مفأجة كبرى للجميع

إنتظرونا



ها منتظرين




طيب استنوا
المفأجه

حد ممكن يفسر لي ليه ؟
حد ممكن يقولي ازاي ؟
حد ممكن يكون عارف ؟
حد فيكم فاهم ؟
ازاي تكون قناة زي قناة الناس بالشكل اللي بنشوفه ده
ويتعاملوا زي المحطات التجارية
هل من المعقول ان تكون هذه القناة بدون خط تليفون ارضي ؟ لاستقبال المكالمات والاستفسارات ؟
وتضطرنا لاستخدام المحمول ولمدد طويل تعللا بان الخط مشغول
هل هذا هو تمن الدعوة ؟
هل هذه هي الاخلاق الدينية التي تدعو اليها القناة
انا ارى ان الموضوع تجاري ليس الا
وارى ان السادة الشيوخ والعلماء لا علم لهم بما يحدث
وان الدكتور عاطف (سامحنى الله ) انشأهذه المحطة للنفع التجاري
فقط نريد من يقوم بعمل لوجه الله تعالى أن يخلص لله
وان يتقى الله فالناس
والله انا غير نادم على المبلغ الذي خسرته ولم اتمكن من الحديث للشيخ قدر ما اذهلني تلك اللعبة الغير واضحة



ارجو من من يعلم ان يخبرني هل هي محطة لله ام للتجارة ولا يقول لي احد الاتنين معاً

امبراطورة الغناء

الله الله الله

مش هاقول غير الله

الله يخليكي يا وينكي

الله يخليك يا محمد البرلسي (الجحيم هو الحقيقة )

الله يخليك يا باشمهندس محمد الصاوي

الله يخليك يا كل موظف في ساقية الصاوي

الله يخليكي يا سلمى يامتمكنة (على راي عمرو)

الله يخليكي يافيروز ياللي كان عيد ميلادك 23/11

بجد امسية غنائية مالهاش حل واصحاب جمال واغاني مش ممكن يكفي اني اقول لكم ان انا اخدت اكتر من اربع حبيات داينترا لوقف الازمة القلبية من كتر الانبساط والفرح بهذا الجو الرائع شكرا ليكي يا ونكوك على انك عزمتينا على حسابنا هههههه وشكرا لك يا محمد انك شاركتني السهرة بعد الحفلة

شكرا لك ياسلمى على صوتك الحلو واغانيك الرائعه ولو اني عاوز اعرف اسم الاغنية اللي اخر كلمة فيها كلمة ياريت ما بتعمر بيت

واللي ما حضرش الحدث الفني ده فعلا فاته الكتير والكتير من الاستمتاع

انتظـــــــــــار

ظللت لساعات وساعات اترقب حضورها وقد اطفأت نور بيتي كله الا من ضوء خافت منبعث من مصباح صغير ...

ياله من جو عاطفي يغري أي رجل بان ينفرد باي امرأة وأن يسمعها ارق كلمات الغزل .... ولكن هيهات الفرق كبير

تفقدت نوافذ غرفتي ونوافذ البيت كلها ... نعم اريدها.... انا وهي فقط ...

فرصة زوجتى والاولاد ارسلتهم عند امي ...

الليلة سأنال منها سأنال منها مهما استعصت على ....

لا لا انا متأكد انها لن تقوي الليلة على مقاومتى ... فانا مستعد لها...

نمت جيدا في فترة الظهيرة ... وعندما استيقظت اخذت حمام وكما لم افعل من قبل قمة فالنشاط والهمة ...

ها هي قد اتت وانا مستعد .... معي المضرب لاقتلها لطالما عذبتني وارقت نومي و اقلقت مضجعي ...

نعم كنت انتظر الناموسة لاقتلها ....

نفسي اموت

نفسي اموت واصحى من تاني

واشوف مين افتقدني ومين هاجاني ؟؟

ومين اللي لقبري شالني ووداني ؟؟؟؟

واشكر كل من مشي في جنازتي ودفني

وكل من جه وعزاني

ومين اللي تعب نفسه وافتكرني

ومين القريب اللي ماجاني

مين اللي رتب لي ورقي ودفاتري ؟؟؟

ومين اللي لسه فاكر احضاني

ومين اللي عديت علية ولا افتكر انه ينعاني

وبرضه خايف من هجركم

يا ويلي منكم وقلبي بيعاني

نفسي اموت

حنـــان

حنان
ام
حنان
اخت
حنان
ابنه
حنان
صديق
حنان
عقل
حنان
جنان
حنان
الدنيا وما فيها
انت

يااااااااااااه انا سعيد يا سعيد

سعيد جدا بيك يا سعيد
اقولكم مين سعيد واقولكم سعيد ليه ؟
سعيد هو سعيد عفيفي من اصدقااااااااااااائي القدامة من حوالي 25 سنة وكنا مع بعض في فندق السلام هيات وافترقنا كعادة الدنيا وسافر كل من في اتجاه انا اوروبا وهو ماعرفش فين ؟؟؟؟؟
لكن دارت بي الايام وحنيت للحرم فسافرت السعودية لجدة ووجدت ان سعيد شغال في هبات ريجينسي جدة وما شاء الله والله الشباب المصري ده حاجة تفرح وبقة مدير مكاتب الاستقبال الاماميfront office manager
ويالا قمة سعادتي بصديقى الرائع وزادت سعادتي عندما وجدته قد تزوج وانجب ما شاء الله اية من ايات الجمال تويا اسمها كده تويا وما صدقت اتلمينا على بعض ويا دوب اقل من سنة والقدر خده مني تاني بس مش قادر انساه وكان الكلام ده في عام 1990 وتخيلوا انا بادور عليه وهو بيدور على وامبارح بس كلمنى من الرياض يااااااااااه مش ممكن اوصف لكم السعادة صديقي بعد 16 سنة يفتكرني ويكلف نفسه ويكلمنى كتير قوي على ياااااااااه انا سعيد جداً يا سعيد ان انت سعيد وأسعدتني بمكالمتك دي ومش عارف ان كان ممكن يقرا الكلام ده او لأ بس انا حبين اثبت لكم ان فعلاً في حاجة اسمها صداقة ومحبة خالصة لوجه الله
والله باحب كل اصدقائي
الجمعه 17/11/2006

صديقي

الدنيا برد
الليل طويل ..
طويل
السكون رهيب
محتاجك
محتاجك
محتاجك جانبي
بس بقلبك قبل جسدك
محتاج دفئك
محتاج حنانك
مد ايدك
خد بايدي
صدقني
انا بيك
انا ليك
انا منك
انت بس
اللي ممكن تحميني
انت صديقى
انت رفيقي
تعالى
انتظرك
منتظرك يا اغلى الناس
يا صديقي

أنت

هل من الممكن ان يحدث هذا ؟
كيف انهارت قواي امام نظرة عينيك ؟
كيف انهمرت دموعي بين يديك ؟
كيف فقدت صلفي وكبريائي امامك ؟
كيف شعرت بالحنان في احضانك ؟
كيف شعرت اني يتيم بدونك ؟
كيف شعرت بالسعادة لقدومك ؟
كيف يمكن ان اختصر العالم كله في شخصك ؟
انت ... وأنت فقط

أبنتي

صورتك في خيالي أبداً

رنين صوتك في أذني أبداً

وقلبي لن ينساك أبداً

وعزائي انك فالجنة أبداً

ـــــــــــــــــــــــــــــــــــــــ