الله الله الله
مش هاقول غير الله
الله يخليكي يا وينكي
الله يخليك يا محمد البرلسي (الجحيم هو الحقيقة )
الله يخليك يا باشمهندس محمد الصاوي
الله يخليك يا كل موظف في ساقية الصاوي
الله يخليكي يا سلمى يامتمكنة (على راي عمرو)
الله يخليكي يافيروز ياللي كان عيد ميلادك 23/11
بجد امسية غنائية مالهاش حل واصحاب جمال واغاني مش ممكن يكفي اني اقول لكم ان انا اخدت اكتر من اربع حبيات داينترا لوقف الازمة القلبية من كتر الانبساط والفرح بهذا الجو الرائع شكرا ليكي يا ونكوك على انك عزمتينا على حسابنا هههههه وشكرا لك يا محمد انك شاركتني السهرة بعد الحفلة
شكرا لك ياسلمى على صوتك الحلو واغانيك الرائعه ولو اني عاوز اعرف اسم الاغنية اللي اخر كلمة فيها كلمة ياريت ما بتعمر بيت
واللي ما حضرش الحدث الفني ده فعلا فاته الكتير والكتير من الاستمتاع
هناك ٣١ تعليقًا:
لا بقى.. أنا متغاظة ومفروسة جدا... بجد كان نفسى أكون معاكم وأقابل حضرتك و وينكى و جحيم
:( :(
أنا زعلانة اووووووووى... هأروح بقى أشوفلى مخدة أعض فيها
:(
المهم أنكم اتبسطم
:)
manal
يا ياحاج مزجانجى اتبسط وهيص
بس يا ريتك قولتلى قبل كده عشان اجى انا لسه شايف الكومنت بتاعتك دلوقتى وحرتك بتقولى تعاللنا انا كنت هاجى لانى كنت عايز انزل القاهره وكانت هتبقى فرصه يا حاج اتعرف على عدول الجميل
albida
منولة العسل انا عارف انك هاتتفرسي بس اعملكم ابه احنا بنرتب من كام يوم ؟؟؟؟؟؟
بس اللي صدقوا اتنين بس والنهارده احنا كمان رايحين قاعة المؤتمرات على الساعة 5 انا وجحيم وان شاء الله وئام ولمياء لان ونكوكة بكرة هاتمتحن فمش جاية ياريت ندعي لها بالتوفيق ولو حد عاوز يجي يتصل بي 0107998322 او 0124642885
ونربط مع بعض بامر الله لان النهارده هايغني فريق نغم مصري والمبدع الرايق قوي شربيني
مستني اللي يجي ولما ارجع هاغيظك هههههههههههه
yasser shams aldien
يا عم ياسر ولا يهمك لو تعرف تيجي النهارده خير ولو ما عرفتش يبقى بينا الوهات وبرضه مستنيك انما انت هاتيجي منين مصيبة لا تكون اريفجي انت كمان زي محمد ههههههههههههه
الله يا ريتني كنت معاكم
ان شاء الله لما انزل في الصيف نعمل ميتنج تاني
الحمد لله انكم مبسوطين
و يا رب نتجمع دايما علي الود و الاخوة و السعادة
بحبكم
ماشى يا مزاج
انا قلت للجحيم انى هاحاول اتصل بيكم علشان اسمع اى حاجه عربى..بس انتو كلكم امبارح كنت قافلين التليفونات..
يارب تكونو اخدت صور ولا اى منظر..
لما اجى مصر ابقى وادينى الساقيه دى يا مزاج
خيااااااااااانه
طب اتبسطو
يا عم يا عم
ايه النمر دى كلها.. هو حضرتك شغال فى المسابقات بتاعت 0900 ولا ايه؟
:)
ماشى أنا قاعدة مستنية أهو علشان تيجوا تغيظونى... أعض فى ايه بقى دلوقتى؟ أنا كلت كل مخدات البيت خلاص
:(
manal
السلام عليكم
أنا للعلم كنت هناك و شفتك أنت و ووينكي و واحد تاني
بس طبعا معرفش ليه محبيتش أتكلم معكم
بحس إني غريب و رخم قوي في المواقف دي
كانت بجد حفلة جميلة قوي
و ياريت لو هتعملوا حاجة تاني زي بتاعت أمبارح ده لو أتقابلتوا فعلا ياريت تقوليلي علشان أنا دخلت هنا النهاردة بس
شكرا
ههههههههههههههه
اهلا يا خويا
مش عا وز اقلك على اللى حصلى فى قا عة المؤ تمر ات
بهد له
يا ما ن
منك لله
مبروك ياعم الانبساط
انا شوفت سلمى يوميها و سألتها على سى دى للحفلة فقالتلى اسم السايت اللى عليه الاغانى
يللا تتعوض المرة الجاية
هى قالت هتقول السايت تانى فى الحفلة قالته ؟
اصل انا مش فاكراها
هو portsaidonline or portsaid.online
ياريت لو تعرف غششنى
الله يلعن الإمتحانات اللي بتمنعني من حضور الحاجات الحلوة دي ( قولوا آمين )
آاااااااااااااامين
يللا مبروك ع الإنبساط
و كل سنة و إنت طيبة يا فيروز
حقيقى كان نفسى أكون معاكم يا عدول
وحشتنى
جدا جدا
انبسط و اتهنى - ده بيبسطنى أنا كمان
لو فيه حاجة كده تانى ابعتلى و باذن الله هنيجى
كنت محتاجه ليلة زى دى يا عادل
المارلبورو عليا و الداينترا عليك
سلمي ... من اول ما شفتها في برنامج شبابيك علي
ريم و فيها شيء بيسحب ... بيشد بياخد بعيد كده و هي بتتكلم ... الأول قلت منطقها فالكلام ... و ده حقيقي فعلا بعدين قلت يمكن علشان باحب شكل البنات ده و برضه كان حقيقي و اذ بي افوجيء في احدي الحلقات القديمه ان صوتها ساحر ... البنت دي فعلا اكثر من رائعه ... مثقفه و محترمه البلد محتاجه نوعيه الشباب دي تكتر اوي يا جماعه اما عن ساقيه الصاوي فلن اتحدث لأني مهما تحدثت فلن اوفي هذا المكان الذي ادين له بالكثير و الكثير من حقه علي ... احدي البقع الخضراء في مصر ... مكان يصلح به البناء بالفعل .. مزاجنجي ... انت صاحب مزاج صحيح
بوست فيه الملكه فيروز و ساقيه الصاوي و الحلوه اوي سلمي ... يبقي بوست انت اللي كاتبه فعلا ...
هاني جورج
انتوك
خير اللهم اجعله خير
حضرتك فين ده كله؟... اه.. أكيد الناموسة واخدة عقلك, مش كده برضه؟
;)
manal
ماشي يا عم
ابســــطط
واحنا كمان
افرجها علينا يا رب
ابسطــــها يا باســــط
درووووررب
ناس ليها ساقية الصاوي
وناس ليها
ساقية مكي
والعيالة
والمعلاية
واليولة
معلهش
انا حرة
فعلا كانت رائعه والسايت اسمه
http://www.portsaid-online.com/
وعلى فكرة فيه البوستر بتاع الحفلة كمان وياريتنا كنا اتشرفنا بسعادتك المرة الجاية بقى
No Fear
انت بتتكلم جد هو انت شفتنا واحرجت عيب عليك
بس ايه رايك فالحفلة ؟
تسلم سلمى
كلبوزة لكن سمباتيك
ياباشا نحن في الانتظار بس تعالوا بس تعالوا تعالوا تعالوا على راي على الحجار
المهاجر المصرى
والله يا بنيى ما قفلنا ولا حاجة بس انت عارف ان الساقية تحت الكوبري ههههههههههههه
فممكن ما يكونش فيها اشارة احيانا وعموم احنا الاتنين ما كانش معانا كاميرات هاه ايه رايك حلو الجو ده ؟
تعالى بقى
ام العيال
خيااااااااانة
اللعنة
اللعنة
اللعنة
اللعكوا
هههههههههههه
اكيد مش انبسطنا لا احنا اتكيفنا بما تحويه من كلمة
albida
منولة خبرك ايه ما كانوش جوز موبايلات تقولي لي شغال في المسابقات وبعدين انت يا ماما اكلتي المخدات كلها طيب ما هو فاضل لسه اللحاف عليكي بيه ههههههههههههههه
احنا بقى اللي خدنا الخازوق المحترم يوم الجمعه
اللهم لا شماته ههههههههه
الجحيم هو الحقيقه
انت شكلك عيل فقري وربنا مش كاتب لك الانبساط يومين ورا بعض ههههههههههه
انما الاعمال بالنيات ههههههههههههههه
مصرى
فيروز بتقولك وانت طيب
اما بخصوص الامتحانات فمعلش خلص بس وممكن تدخل على السايت http://www.portsaid-online.com/ وتاخد اغاني الحفلة وهيص يا عم
تمر حنه
تمر مر
والله لو اعرف ان البارلبورو عليكي والداينترا على كنت عزمتك على الاقل الداينترا ب 2.50 والدخان بقى يجي ب8جنيه
الا احبار ابو رحاب ايه منك للي كلت دراع جوزها
هههههههههههههههه
karakib
هانون
انت مش مخليني عارف اقول ايه بس انت صح مليون فالمية
اتمنى اشوفك
albida
بلاش سوء الظن والله الويندوز وقعت فانتهزت الفرصة ورحت قعدت عند امى كام يوم من غير نت بس
لا ناموسة ولا جاموسة
هههههههههههههه
أُكتب بالرصاص
تمورة انت بتقَر
عموما انا خلاص والله ماشي لا هايبقى فيها لا ساقية الصاوي ولا قهوة الحاوي دعةاتك
ههههههههههههههههههه
و النبى يا اخويا انا توهت هناك فى اللينك ساعدنى و ادينى لينك على صفحة الحفلة لان اللينك ده مودينى فى حته تانيه خالص
على فكره يا جماعه سلمى هتغنى تانى فى حفله فى ساقية الصاوى يوم الجمعه الجايه 9 مارس مع فرقة أيامنا الحلوه :)
إرسال تعليق