ظللت لساعات وساعات اترقب حضورها وقد اطفأت نور بيتي كله الا من ضوء خافت منبعث من مصباح صغير ...
ياله من جو عاطفي يغري أي رجل بان ينفرد باي امرأة وأن يسمعها ارق كلمات الغزل .... ولكن هيهات الفرق كبير
تفقدت نوافذ غرفتي ونوافذ البيت كلها ... نعم اريدها.... انا وهي فقط ...
فرصة زوجتى والاولاد ارسلتهم عند امي ...
الليلة سأنال منها سأنال منها مهما استعصت على ....
لا لا انا متأكد انها لن تقوي الليلة على مقاومتى ... فانا مستعد لها...
نمت جيدا في فترة الظهيرة ... وعندما استيقظت اخذت حمام وكما لم افعل من قبل قمة فالنشاط والهمة ...
ها هي قد اتت وانا مستعد .... معي المضرب لاقتلها لطالما عذبتني وارقت نومي و اقلقت مضجعي ...
نعم كنت انتظر الناموسة لاقتلها ....
هناك ٣٩ تعليقًا:
enta bteb3tna leh ya 3am? heyya na2sah? :)
والله يا دكتور انا لما قريت جه فى دماغى معنى تانى بس لما خلصتها اكتشفت انك مش محتاج كل ده علشان تقتل ناموسة انتا كنت محتاج 2 جنيه تنزل تجيب بيهم مبيد حشرى وتوفر على نفسك كل ده
وشكرا على المجهود
ااااااااااااه انا كنت خايف من سوء النية بيعتكم في ايه انا كنت بأوصف الموضوع باندماج بس ههههههههههههههه
تعيشي وتاخدي غيرها هههههههههههههه
تفتكر يا صديقي ان اتنين جنيه يخلوني اوصف واتمعن كده وافن
لا انا مش محتاج اني اتكلم عن المبيدات لكن محتاج اتكلم عن الوصف التفصيلي للمبارة
وعموما المرة الجاية هاجيبك معايه ايه رايك واجيب لك اللي في نفسك ولا يهمك
هي يعني جت على علبة مبيد ب 3.75 قرش ههههههههههه
هههههههههههه
حلوة البعتة دى!! بقى كنت مستنى الناموسة برضه؟... ماشى, ماشى.. هنعديها المرة دى
حضرتك هتقلى على الناموس وقرفه!! ماأنا عارفة... أنا من كتر ما تقرصت منه هفتح جمعية الرفق بالناموس. مش عارفة ليه بيسيبوا البيت كله ويجوا يمصوا دمى أنا... يمكن علشان دمى خفيف؟
:)
عليك ورايد السائل.. بجد تحفة!! الناموس بيخاف لما بيشوفه أساسا
:)
manal
عدول بطل شقاوه ناموسه ايه اللى هتستناها فى الضلمه
وتبعت العيال عند والدتك عشان تموت ناموسه
ال ناموسه ال
عدول يا شقى بقيت رومانسى وبتقول كلام جامد اوى الفتره الاخيره ديه وعايز تقنعنى انك هتسنى ناموسه
ماشى يا عم هتعملى فيها بيرسول انا هصدقك المره ديه لكن المره الجايه لازم اعرف مين الناموسه ديه عشان يمكن اجيب ناموسه صاحبتها ونقتلهم سوا
لا و قال ايه
ان بقلى قلت عليه العوض و منه العوض فيك و شكله اتدهول للمرة التالتة
و في الاخر تبقي ناموسة
فعلا بعتنا جامد جدا يا مزاجوه
معلش انا كنت مقطوعة عن الدنيا و تكنولوجياتها
بس عدم تواصلي مش بخل ولا حاجة لكن للاسف انا في الاخر مدرسة/طالبة فقيرةفي الغربة و يا ريت تنسى سوء الظن معايا و لا ايه؟؟؟؟
الله عليك كل الجو الشاعرى ده علشان ناموسة دى امها داعيالها بقى
ايه الدلع ده كله
منولة الجميلة بصراحة انا لو من الناموس ما اقربش من دمك ابدا لان الدم الخفيف بيبقى دايت الااذا كان الناموس اللي حداكم عامل رجيم هههههههههههههههه
yasser shams aldien
ازيك يا ياسر اتفقنا الناموسة دي مش ليها صاحبة دي ليها عشيرة وانا يا عم معاك اتفقنا خلاص انا على الناموس وانت عليك المشاريب اقصد المبيد بس مش عاوز فضايح عاوزك تثبت لي انك استاذ في اصطياد الناموس ...ما تيجي معانا حفلة الخميس بكرة في ساقية الصاوي مستنيك وعلى فكرة جنب الساقية على الكورنيش في ناموس كتير
أنـــا حـــــــــرة
انت لو تعرفي قد ايه الناموس صعب هاتقدري اللي انا باعمله هههههههههههههه
حفصفص اختى الحبيبة والقريبة جدا من قلبي اللي في الناحية الشمال من صدري
فعلا انا كنت سيء الظن بيك بس مش لحاجة وحشة والله انا كنت خايف اكون رزعتك بق حمضان من كلامي اللي زي الدبش لغاية رامي ما فهمني وياست الف مليون حمدلله
على السلامة
وياريت بلاش تشريد تاني وايه اللي اتدهول للمرة التالتة يعني لازم تفهمي البشر انهم اتنين وبادور على التالتة وهي رفضت ولا ايه اخرتها معاكي ؟؟؟؟
ربنا يديم محبتنا اللي لوجه الله فقط
اخوكي الصغنون
ايوه لازم الكل يعرف انك جده هههههههههههه
مزاجو
يا للمصيبة
وماتت الرومانسية على صفحة المضرب
وانتهت بخروج روح المقاتل الجسور
ليفتك بالكائن الوديع بعد كل مراسم الاستعداد
وعجبى
تصدق انت راجل مسخره
وانا استاهل ضرب الصرم انى قريت الكلام ده..بأنا قاعد على طراطيف صوابعى. .مستنى اتعلم من المزاج.. وتطلع فى الاخر ناموسه..
ابقى روش فليت يا عم الحاج..
الله الله يا حما يه
بقه ده كلام يا راجل دا انا سخنت وطفيت النو ر وقو لت عمى عا دل حيو لعها وحنتعلم منه وطقيت النور وقفلت با ب الاوضه
والاخر تبعنى فى الاخر
هههههههههههههههههههه
تحيا تى
تحفة:)))))))))
حلوة جدا..هى بعته فعلا على رأى وئام بس بعته مقبولة
مزاجو
ايه الحكاية ماانت كنت كويس بلاش تكتب اى كلام ولابد ان تكتب شئى يفيد الناس او قضية يناقشوها والكلام ده لمصلحة المدونين بصفة عامة ارجو الا اكون قد تجاوزت الخطوط الحمراء
سعيد بدخولي علي المدونة خاصتك
وعاجبني قوي طريقة الوصف إللي خلاص الواحد كان مستني لحظة الهدف المنشود
ـقصد قتل الناموسة طبعا ههههه
tota
انت صعبان عليك روح الكائن الضعيف ولا مراسم الاستقبال
سؤال بريء
المهاجر المصرى
طراطيف صوابعك ايه بس هو انت داخل تسرق
وبعدين من امتى وانت تستاهل ضرب الصرم ؟؟؟؟
بجد تعليق محتاج لتعليق
الجحيم هو الحقيقه
والله عال انت شكلك عاوز الواد عربي يولع فيك حماك منين امال انا مدي الواد عربي كلمة ازاي ؟ بتهرج ؟
وبعدين سخنت ليه انت عندك برد ؟
وبعدين فالكدب نور ايه اللي طفيته وباب اوضة ايه اللي قفلته انت يابني على ما اعرف نايم على رصيف نمرة 5
هههههههههههههههههه
nour
اولا اهلا وسهلا بك
ثانيا هي بعته بالنسبة للجو الرائع اللي عندك
انت مالكيش حل وخاصة انك من عشاق المرحوم عفيفي وانا اشكر بابا اللي علمك القراءة وحببك فيها لانها نور العقول يا نور
ههههههههه تحياتي والبعته الجاية (البوست )تكوني معانا برضه ههههههههههههه
ahmedsobhy
ابوحميد اولا مرحبا بك على اي وضع انت اخ وعزيز ولا توجد بيننا اي خطوط لا حمراءء ولا صفراء ولا حتى خطوط مشاه ثانيا اعتبر انك بتكلم روحك وبتفكر بصوت عالي لكن ...
انا مش باكتب لاي حد انا باكتب اللي بيجي على مزاجى وبس انت فاهم ان انا مش فاتح جريدة انا بس بابعبر عن ما يجول بخاطري وزي ما انت فاهم نحن جميعا لنا اطوار وانا هنا كنت في طور التهيس لانه لا يستقيم ان تكون دائما في اتجاه واحد لابد من التغيير والتنوع وبرضه شكرا على النصيحة وبجد انت عسل ههههههههههههههه تيجي معاية نموت الناموسة بقى ؟؟؟؟؟
عمو مزاجوو
التيمه دى من أشهر تيمات الكتابات الساخره
من كتر ما قريتها بقيت أعرف أميزها
م الآخر... كنت متوقعه حاجه زى كده
بس أنا جه ف بالى انها ذبابه مش ناموسه
طلعت أوت دى
فين بقيت المدونات بتاعتك؟؟
Hanytoto12
هانون انا اللي اسعد بيك وكمان بمدونتك واسمح لي اشرد لك هنا واقول للناس انك راجل مفن ورقيق المشاعر وصديق حقيقي لاصدقائك تحياتي لك وشكرا على مرورك عندي
ولما اوصل للهدف وهوه طبعا قتل الناموسة هاتكون معايه هههههههههههه
وينكى
ونكوك الجميلة انا عارف انها مستهلكة لكن كانت تهيسه كده مع نفسي
انت ان شاء الله فالحفلة النهارده ولا لا ؟
وهناك هاقولك الموضوع كان ايه وليه بالضبط
وبعدين انت بتدوري على مدوناتي ليه كفاية عليكم المزاجنجى واخر بوست قبل ده اعتقد انه كان من القلب
أستغفر الله العظيم....أن بعض الظن أثم
لكن معلش جات سليمة
المهم أيه أخر أخبار الصراع المثير
حمادة عظيم جدا انك استغفرت اصل انا على طول كده مظلوم هههههههههههههه
ازيك يا جميل وايه اخر اخبار وجع الدماغ معاك ؟
حبيت أمسى عالحبة دول
واحشنى يا رااااااااجل
حرررام عليك الواحد افتكر انها تدوبنة اباحية .. و خلاص هكش و ادخل في هدومي من الكسوف و كده !!!! و في الاخر نموسة!!!!!
ناموسة
!!!!
ماشي
:)
إياكش تولع
دكتورنا العظيم حمد لله على السلامة ازيك كنت فين من زمان وحشتنا والله
sara
هاي سارة حمد لله على سلامتك انت جيتي هنا ازاي بقى ؟؟؟؟؟
شكل ريحة المبيد كانت عالية فانت قلتى تخشي تشوفي صح ؟
مدونتك حلوة موت ومنه لله الحرامي
Epitaph
اه ورحمة خالي حسن
ناموسة
هههههه
اما بعته
حرام عليك كنت في الشغل و قريت البوست و هاتك يا ضحك لغايت ما حسيت اني عامله زي الي قام يضحك في عزا الكل قعد يبص عليا
مالها دي ؟؟؟
ماشي يا عم عادل
بتبعتنا يعني
ربنا يكتر من ناموسك
: )
اهههههههههههههههههههه يا مرارى يانى
حراااااااااام
ضعطيييييييييييى
ايه يا عم مزاجنجى
عاملنا فيلم هندى عشان خاطر ناموسة؟
طب كنت خليه برص اهو حاجة تملى العين
بس ملعوبة
ماشى يا سيدى
حنسنا ولا يهمك
اتشرفت بمدونتك و اشلوبك شيق
سلام
أول مرة أشوف البلوجة بتاعتك النهاردة؛ و لأنى شوفت صورتك فى الأول. لما ابتدايت أقرا البوست ده مصدقتش( بعت الولية والعيال لأمها و مش عارف أيه)؛ يا عم بطلوا إستظراف بقى مش لايقة عليكم.. يا وجعى
حلوه تحفه
إرسال تعليق