الاثنين، ديسمبر 17، 2007

أعتقد إن أنا عايش تصدقوا !!!!!!

ياااااااااااااااااه نفسي اكتب لكم كلكم نفسي أحضنكم شوية

حاسس إن أنا مش أنا

حاسس إن إنا محتاج لكام أم

محتاج لكام أب

محتاج لكام أخت

محتاج لكام أخ

تفتكروا إن إنا كنت ميت وصحيت ولا إيه الموضوع ؟

الدنيا بقت كده ليه ؟؟؟وبلدنا مش بتحبنا ولا إيه ؟

آه يامه يا بهية

آه يا أمه يا بهية يا أم طرحة وجلابية

يا صبية يا عفية ..

يا خضرة وندية..

يا ساكنة جوه ف قلبي ..

يا مالية نور عينيه ..

أنا بس سبت المكان لكن أنت في الوجدان

دقيت كل البيبان .....

وشميت ريحة الحيطان .....

ما أنا وحشتني ريحة البهارات..

وشكل الشوارع والحارات .....

والدوشة والسُكات..

وجيراني كلهم ....

رجالة و يا ستات ..

خلاص يا أمه مش نافع السُكات..

ما أنا برضه إنسان ..... وقلبي خلاص وجعني .....

طب ودي فيها إيه كمان ..... ؟

تفتكري يا أمه في حد يعيش وحداني.....

دا خصوصاً أنا بالذات .....

ما أنت عارفة أن أنا ماليش غيرك .....

يا سبب عذابي وأشجاني .....

تفتكري ممكن نتقابل تاني ؟؟؟

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بجد أنت عاوزاني ؟؟؟؟

والله وأنا كمان.....

مشتاق ليك كتير أوي موت .....

لكن يا غالية خايف للعمر يفوت .....

ما هو صحيح كل نفس دايقة الموت .....

وأيه يسوي في الحياة بعد فراق الأحباب ...

وإيه هاناخد ساعة الموت ؟؟؟

غيرش هو متر صغير فالتراب ...

لكن حاسس إن أنا لو مت هناك عندك ..

ناكر ونكير ها يخففوا عنى العذاب ..

أيوه أكيد ما هو أنا وتراب أصحاب...

تفتكري بجد عوزاني ؟؟؟

طب ليه سيبتيني أروح؟؟

ليه خلعتي الجسد م الروح ؟؟؟

بكيت... والله بجد بكيت..

ما أنت عارفة إن أنا فحضنك إتربيت ..

ما إنت الأهل والولد والبلد والسكن والبيت ...

عارفة أنا عايش إزاي بعيد عنك ؟؟

عايش كده وخلاص...

لا لاقي فيوم حنية ولا شفت في إخلاص ...

تفتكري يامه ليه وصلنا لكده ؟؟؟

والله لا هو مني طمع ولا حتى قلة رضا...

بس إنت أكيد عارفه إن ما حدش في قلبي غيرك ...

وعمري اللي عدي عشته كله بخيرك...

تفتكري ممكن نرجع لبعضنا تانى ؟؟؟

تضمينى تلمينى وتكُفي أحزانى ...

بحبك قوي وبقوة وكل ما ببعد شيئ بيشدنى من جوه

مشتاقلك قوي يا بلادي مشتاق لك قوي يا بهية ....

الجمعة، فبراير 09، 2007

شفتوا الرخامة


اية اللي حيحصل لايميلك لما تموت ؟
ايه اللي هايحصل ولا حد هايحس بيه ولا بي انا فاهيموت معاية

اديت الباس وورد لحد قبل كده؟
تقريبا مش متاكد قوي لكن يعني ده مش سر عسكري هههههههههه

لو اه كانت طبيعةعلاقتك بيه اية؟
ناس صحابي

اسمك؟
عادل بك خميس ( بكل تواضع) ههههههههههه

اسم الدلع المشهور في وسط اصحابك؟
الدُكتُر ومش فاهم ليه كلهم معتقدين خطأ ان انا بافهم (في حاجات كتيرة )
عمرك؟
اكيد مكتوب فالبروفايل بتاعى بلاش استهبال بقى اتعبوا معانا ودوروا
برجك؟
القوس ... الجدى .. مش عارف اظبطه بالظبط
مجالك او مجال دراستك ؟
خطاط ورسام ومصمم جرافيك وبانفذ مواد الدعاية كلها تقريبا يعنى ممكن نقول عفريت كده هههههههههههههه
شخصيتك نوعها اية؟
والله ما فكرتش بس اعتقد انها من النوع الذكري ههههههههههه
السفر بالنسبة لك؟
اجمل ما فالكون بس يكون فيه معلومات جديدة وعيشة مختلفة
المود بتاعك؟
لا انا خانكة ولله الحمد يعنى باقلب 180 درجة في عز التهريج ممكن اقلب بغم
وقت فراغك بتعمل فيه اية؟
مش هو وقت فراغ فما باعرفش بيبقى شكله ايه انا معظم الوقت مشغول لكن منكن اتنيل قدام الجزيرة او العربية واعرف اخر اخبار الناس اللي بتدب في بعضها
الاكلة المفضلة؟
الاكلة اللي معمولة بمزاج مش شرط لا اللحمة ولا الفراخ ولا السمك ممكن طعمية وفول ومعمولين بمزاج ومعمول لهم جرنيش حلو (جرنيش يعنى ديكور حلو للطبق )

الصفات اللي خدتها من ماما؟
العصبية
الصفات اللي خدتها من بابا؟
طيبة القلب والحنية والتسامح وحب الدنيا
اكتر 6 حاجات بتكرهها؟
بكره الراجل اللي بوشين
بكره الراجل اللي بيكدب
بكره الست اللي بتحس انها حلوة وبتتباهى بجمالها
بكره الاقنعه وباحب الوضوح فالتعامل
بس مش باحب الكره نفسه
اكتر 6 حاجات بتحبها؟
مصر
الموسيقى
الحريم

القعدة الحلوة

الضحك
الشغل بالنسبة لك؟
اجمل وامتع اوقاتى بس لما اعمل اللي فنافوخي مش بالامر
اية الكومبيوتر والانترنت بالنسبة لك؟
كارثة الكوارث لانى وربنا ما يوري حد مدمن كمبيوتر يعنى لو حد من اولادي بيسخن ولا بيتعب مش بيحزني زي ما الويندوز تقع منى ولا يحصل عيب فالجهاز وطبعا النت نافذتى على العالم من كل الاتجاهات و مفيد جدا

طبعا انا عملت البوست ده مع نفسي لانى ما عنديش ما يُكتب هنا وباشكر الاخت الحبيبة جدا حفصوصة لانها نسيتى ولم تمرر لي التاج على اعتقاد منها ان انا خلاص مُت عموما انا موجود وشاكر لكل اللي نسيونى

شفتوا الرخامة


اية اللي حيحصل لايميلك لما تموت ؟
ايه اللي هايحصل ولا حد هايحس بيه ولا بي انا فاهيموت معاية

اديت الباس وورد لحد قبل كده؟
تقريبا مش متاكد قوي لكن يعني ده مش سر عسكري هههههههههه

لو اه كانت طبيعةعلاقتك بيه اية؟
ناس صحابي

اسمك؟
عادل بك خميس ( بكل تواضع) ههههههههههه

اسم الدلع المشهور في وسط اصحابك؟
الدُكتُر ومش فاهم ليه كلهم معتقدين خطأ ان انا بافهم (في حاجات كتيرة )
عمرك؟
اكيد مكتوب فالبروفايل بتاعى بلاش استهبال بقى اتعبوا معانا ودوروا
برجك؟
القوس ... الجدى .. مش عارف اظبطه بالظبط
مجالك او مجال دراستك ؟
خطاط ورسام ومصمم جرافيك وبانفذ مواد الدعاية كلها تقريبا يعنى ممكن نقول عفريت كده هههههههههههههه
شخصيتك نوعها اية؟
والله ما فكرتش بس اعتقد انها من النوع الذكري ههههههههههه
السفر بالنسبة لك؟
اجمل ما فالكون بس يكون فيه معلومات جديدة وعيشة مختلفة
المود بتاعك؟
لا انا خانكة ولله الحمد يعنى باقلب 180 درجة في عز التهريج ممكن اقلب بغم
وقت فراغك بتعمل فيه اية؟
مش هو وقت فراغ فما باعرفش بيبقى شكله ايه انا معظم الوقت مشغول لكن منكن اتنيل قدام الجزيرة او العربية واعرف اخر اخبار الناس اللي بتدب في بعضها
الاكلة المفضلة؟
الاكلة اللي معمولة بمزاج مش شرط لا اللحمة ولا الفراخ ولا السمك ممكن طعمية وفول ومعمولين بمزاج ومعمول لهم جرنيش حلو (جرنيش يعنى ديكور حلو للطبق )

الصفات اللي خدتها من ماما؟
العصبية
الصفات اللي خدتها من بابا؟
طيبة القلب والحنية والتسامح وحب الدنيا
اكتر 6 حاجات بتكرهها؟
بكره الراجل اللي بوشين
بكره الراجل اللي بيكدب
بكره الست اللي بتحس انها حلوة وبتتباهى بجمالها
بكره الاقنعه وباحب الوضوح فالتعامل
بس مش باحب الكره نفسه
اكتر 6 حاجات بتحبها؟
مصر
الموسيقى
الحريم

القعدة الحلوة

الضحك
الشغل بالنسبة لك؟
اجمل وامتع اوقاتى بس لما اعمل اللي فنافوخي مش بالامر
اية الكومبيوتر والانترنت بالنسبة لك؟
كارثة الكوارث لانى وربنا ما يوري حد مدمن كمبيوتر يعنى لو حد من اولادي بيسخن ولا بيتعب مش بيحزني زي ما الويندوز تقع منى ولا يحصل عيب فالجهاز وطبعا النت نافذتى على العالم من كل الاتجاهات و مفيد جدا

طبعا انا عملت البوست ده مع نفسي لانى ما عنديش ما يُكتب هنا وباشكر الاخت الحبيبة جدا حفصوصة لانها نسيتى ولم تمرر لي التاج على اعتقاد منها ان انا خلاص مُت عموما انا موجود وشاكر لكل اللي نسيونى

الخميس، ديسمبر 28، 2006

كا عام وانتم بخير

حبايب الرجال وحبيباتى الاناث
طبعا مش ايناس الدغيدي هههههههههههه
كل سنة وانتم طيبين
متحابين
متجمعين على حجرها
متدفين بحضنها
شاربين من نيلها
نايمين على ارضها
او بورشها
المهم اننا كلنا بنحبها
بهية اجمل هدية من ربنا
كل عيد والقفا اللي بيحكمنا
قاعد على قلبنا
ومن بعده ننوس عين امه سي جمال
بجد نفسي اقول لكم كل سنة وانتم طيبين
بس لما الراجل ده ربنا يكرمه ويرحل ومراته والعيال يتشحططوا من بعده
عموما كل عيد اضحى وانتم كويسين ...

السبت، ديسمبر 23، 2006

إدعوا لي

الساعه الأن 5.07 وخلاص باجهز اخر حاجة فالشنط ومتجه للمطار على الساعه 9.00 مساءً أسئلكم الدعاء

الأربعاء، ديسمبر 20، 2006

الأحد، ديسمبر 17، 2006

ولا يوم من أيامك يا بلدي

ولا يوم من أيامك يا بلدي ولا يوم

على صوت الادان بنصحى كل يوم

ولا ساعة العصاري ويّا ثومه ع القهوة

مشروب وإتنين ومش عاوز تقوم

..........................................................

ولاَّ مطبخ جنب منِّي جاية منه ريحة الفتة بالخل والتوم

ويجيني الأسطى حمام يحلف عليا ميت يمين

معاه ع الغدا لازم أقوم

..........................................................

ولا أشوف بنات أمارة بملاية لف يطيروا من عيوني النوم

وأشوف شباب عدالة متهندمة جوه الهدوم

ولا .. طفل صغير ويّا جده بيجيب له حلاوة كل يوم

..........................................................

ولا يوم من أيامك يا بلدي ولا يوم

للاسف انا لازلت هنا ولم اسافر لانى اعانى من انفلونزا شديدة جدا وللي بيعرف ان مرضى ارتفاع الضغط والقلب ان الانفلونزا بتكون قاتلة لعدم تمكنى من اخد ادوية لها غير الفيتا سيد او أي فيتامين سي وانا من النوع اللي بيضعف قوي قدامها (الانقلونزا طبعا) وبصراحة انا من النوع اللي بيحب يرفه نفسه مش برضة (إن لبدنك عليك حق ) فبامر الله هايكون السفر يوم السبت القادم والبوست ده قديم شويتين بس لاقيتني وانا فالفراش باردده فحبيت اقوله لكم

الأحد، ديسمبر 10، 2006

وأخير هاعملها

أنا مسافر وحامل في ايدي شنطة سفر
أنا مسافر وحامل في قلبي حكاية عمر
الغربه طريقي...

والليل رفيقي....

واغلي أصحابي ضي القمر
ماشي بروحي..

نعاني في جروحي....

وأحلي عذابي طول السهر
أنا مسافر وحامل في ايدي شنطة سفر
أنا مسافر وحامل في قلبي حكاية عمر
كيفك يا أمي..

كيفك يا بوي..

كيفكم يا خواتي كيف الخبر
ردوا عليا...

جوابكم هدية...

بيجيبلي معاه نسمة بحر

أغنية الفنان الليبي ناصر المزداوي وهي ابلغ تعبير عما انا به

ومش هاقول لكم كم بكيت من غير ارادة لفراقي لارضي ووطنى

واقسم بالله لم يخطر ببالي وانا اؤؤكد حجزي غير اني نبتة تنزع من جذورها .... بجد البلد دي اجمل ما خلق لنا الله لكن للاسف فيها من يحاول ان يجعلنا نكفر بها لكنى للاسف اعلم ذلك ولن اكفر بها او اسيء لها لكن اعلنها ان انا مسافر ان شاء الله بلا رجعه لأني لا أتحمل آن أراها تهان او تهين أولادها مرغمة

المهم انتم كنزي وزادي في رحلتي منتظر دعواتكم لغاية لما اعرف هابقى ادخل للنت تاني ازاي وهو قريبا ما تخافوش معاكم ولو بقلبي على الاقل ....وهي دي مفاجأتى هههههههههه رخمة صح ؟ هههههههههههههههههههههههه يللا نضحك من اللي بيعملوه فينا او حتى نضحك من انفسنا المهم نضحك كفاية دموع

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

معلش مش عارف ايه اللي خلى البوست يتمسح معلش غصب عنى عموما انا ماشي يوم الجمعه الساعة 5 المغرب اكون فالمطار 7.30 الاقلاع دعواتكم ِ


الأربعاء، ديسمبر 06، 2006

مفأجة كبرى للجميع

إنتظرونا



ها منتظرين




طيب استنوا
المفأجه