الأحد، ديسمبر ١٧، ٢٠٠٦

ولا يوم من أيامك يا بلدي

ولا يوم من أيامك يا بلدي ولا يوم

على صوت الادان بنصحى كل يوم

ولا ساعة العصاري ويّا ثومه ع القهوة

مشروب وإتنين ومش عاوز تقوم

..........................................................

ولاَّ مطبخ جنب منِّي جاية منه ريحة الفتة بالخل والتوم

ويجيني الأسطى حمام يحلف عليا ميت يمين

معاه ع الغدا لازم أقوم

..........................................................

ولا أشوف بنات أمارة بملاية لف يطيروا من عيوني النوم

وأشوف شباب عدالة متهندمة جوه الهدوم

ولا .. طفل صغير ويّا جده بيجيب له حلاوة كل يوم

..........................................................

ولا يوم من أيامك يا بلدي ولا يوم

للاسف انا لازلت هنا ولم اسافر لانى اعانى من انفلونزا شديدة جدا وللي بيعرف ان مرضى ارتفاع الضغط والقلب ان الانفلونزا بتكون قاتلة لعدم تمكنى من اخد ادوية لها غير الفيتا سيد او أي فيتامين سي وانا من النوع اللي بيضعف قوي قدامها (الانقلونزا طبعا) وبصراحة انا من النوع اللي بيحب يرفه نفسه مش برضة (إن لبدنك عليك حق ) فبامر الله هايكون السفر يوم السبت القادم والبوست ده قديم شويتين بس لاقيتني وانا فالفراش باردده فحبيت اقوله لكم

هناك ٩ تعليقات:

مراقب مصري يقول...

مزاجو الجميل

ألف سلامة يا جميل
سلامتك من الآه
جبل ما تنزل صدرك أحسها بصدري والله

سلامة قلبك يا عم الحاج وسلامتك م الفلو ... مين عارف ... كل تأخيرة وفيها خيرة

نقدر نساعدك في حاجة يا سكرة؟؟

انحلت سيور العربه وسقط المهر من الاعياء يقول...

اه ه ه ه
لسه مسا فرتش
دا انا فكرت بتوع دارفور عملو فيك حاجه
وكنت حا كتب يوست
عن المز اجنجى والجنجويد
والمعا رك اللى انته قا دتها هنا ك


يا جما عه مز اجوو
مش مسا فر وهى دى المفا جا ه
هههههههههه
تحياتى
والف سلامه

كلبوزة لكن سمباتيك يقول...

الف سلامة عليك
ازيك دلوقتي؟؟

غير معرف يقول...

الف سلامة عليك يا عم مزاجنجى
و ان شالله يا رب اللى بيكرهوا الناس كلها
(مش انت بتحب الناس كلها برضه؟)

albida يقول...

هههههههههه
ده اكيد من عينينا
:)

لا بجد.. ألف سلامة على حضرتك

manal

غير معرف يقول...

ألف سلامة يا باشا .

غير معرف يقول...

الف سلامة عليك

ده انت قاطعت ع السفرية بقي

تقوم بالسلامة ان شاء الله

يا عم جرجس عايزين نبخر المزجانجي بيه
:)

غير معرف يقول...

الف سلامه عليك
وتلروح و ترجع بالسلامه

SomeOne يقول...

عاوز/ة كل الناس تعرف مدونتك
اشترك في مشروع الغريب لارشيف المدونات
http://elgharep.blogspot.com/2006/12/blog-post_15.html
............
المدونات العربية
http://arabblogs.blogspot.com/
........
بدل لما تحط لستة طويلة باسماء المدونات
عندك في مدونتك
حط اسم مدونة واحدة تحتوي على اسماء كل المدونات
........
عاوز اسمك يضاف الى قائمة المدونات
ارسل لنا اسم مدونتك وعنوانها و اسمك
على
za_shady@yahoo.com
...........
لو عجبك المشروع أخبر به كل اصدقائك لكي ينجح


امضاء
أعضاء مشروع الغريب لارشيف المدونات