يااااااااااااه انت وحشة اوي كده ليه
لونك غامق اوي ده طبع ولا ايه
طيب المفروض اعملك ايه ؟
غلبت وتعبت معاكي من كلمة ايه و ليه ؟
الوش مرسومة عليه ضحكة والقلب فيه نار
والدمعه جارية وغطت الانهار
جريت ليك وبيكي ميت مشوار
حزني داخل معبدي سر الاسرار
حرمتيني ابكيلك براحتي
قلقتي نومي وقليتي راحتى
عودتيني على ضحكة بس من الوش مش براحتى
طيب مين ممكن اشكي له براحتى
صدري يا ناس بر حنان
صدري مخنوق يا خلق انا تعبان
ليه لازم اسمع ؟ عاوز اقول ما انا انسان
فاكركم كلكم وحظي منكم ليه النسيان ؟
انتوا اتنين وعلى متفقين
ناس ودنيا على همي متواعدين
والله باكي والكل فرحانين
طيب اروح منكم فين
لا اقدر اعيش من غير ناس
ولا اسيب الدنيا ماهو ده الاساس
النهارده اول ايام عيد الفطر يااااااااااه يعني ايه عيد حد ممكن يقولي ؟؟؟؟؟؟
هناك ٣٥ تعليقًا:
اول واحد
عا وز جايزه
كل سنه وانته طيب يا كبير قوى والاسر ه الكريمه
والله السؤ ال صعب
يعنى اه عيد ويعنى اه سعا ده
ويعنى اه حا جات كتير
سلامى لنعومه واحمد والجميع
شكرا يا محمد افندي انك عديت بدري وفعلا نفسي افهم يعني ايه عيد وازاي يكون في عيد وانت قلبك موجوع وحاجات كتيييييير قوي المهم ما علينا كل سنة وانت بالف سلامة وبعدين يا عم انت كل مرة تسلم على نعومة واحمد وناسي سلمى ليه ؟
ما تجيبلناش الضرب بقى
عمووووووووووووووو
العيد فرحة الأطفال
أم لاكبار حسب ظروفهم
أنا بقعد فى بيتنا فى العيد
والمنطقه عندى بتبقا فاضيه
وكل ما أشوف عيال بتلعب فى الشارع
أحدفهم بالطوب
وأفضل عصبيه لحد ما العيد يخلص
بعدين أتنرفز أأأأععععععععععع
أنت مجتش عندى ليه
فى هدايه قيمه عشانك
سلامى للمودام ونعومه وأحمد وسلمى
كل واحد بوسه
أنت لأ
لحد عندكم نيجي ونقول لكم ، ايوه لكم كلكم ، ونعومة واحمد وسلمي اللي في قلبكم ، كلكم كلكم كلكم ... كل سنة وانتم طيبين وعيد سعيد بفرحه عليكم كلم يارب ويجمعكم على خير دايما ويخليكوا لبعضكم ..العيد كدا
يخرب بيت عقلك انا اتخنفت من العيد
العيد يا معلم مزجانجى تشوفه فى عيون ولادك ربنا يخلهمولك بقولك ايه انته زعلتنى عشان انت زعلان من العيد وانت فعلا انسان جميل يا معلم مزجانجى ومتنسناش عايزين التموين فى العيد لحسن انا مقضيها سجاير بريئه
وكل سنه وانت طيب يا مزجانجى باشا
ده بوست مخصوص لانسان جميل اتشرف بمعرفته
Aoossa
بجد العيد يبقى ازاي والواحد عد بيحسب بكره ها يصرف منين ؟
العيد يبقى ازاي وانت بتبصي لاولادك وانت مش عارفة هاتأمني لهم ايه ؟
العيد يبقى ازاي وانت شايفة انه على الرغم من ده كله في غيرهم اصعب حالا منهم ؟
ازاي يبقى عيد ده ؟
يا مصر اكتب إليكي رسائلي
تسلم لي يا محرك المشاعر يا مخرج الاحاسيس عاوزين جديد يا ربس انا دخلت عندك وعلقت عندك وكنت منتظر اشوفلك جديد تاني وبعدين انا محضر لك صنف بيعمل دماغ عبط على غباوة وهرتلة بمناسبة العيد صنف اخر جمال وفعلا هو مبارك وبيكفي ويفيض من كتر غباوته بس خليك نظيف وانت بتتعاطاه لان معاه هاتشعر بالعز وكمان الكمال
الصنف اسمه
لجنة السياسات
حلو جدا
http://gemyhood7omar.blogspot.com/
شخا شخا
شكراً
يا عم السماح
لك عليا اللي معيدوش عليك انا حطرقها عليهم
بس انت قلي مين
و بعدين مين قال ان السعادة فرض واجب و لازم نكون فرحانين؟
و كمعني لغوي و انت ادري مني بكده لكن للتفكير
عيد جايه من اعادة و تعويد يعني مش المفروض يبقي عيد
شفت بقي كتر اللف و التدوير
الله ده انا طلعت شاعرة بالسليقة
لكني بحب المشوي اكتر
تحياتشي
كل سنة وانت طيب
وعيد سعيد
عيد؟؟
يعنى اية عيد صحيح؟؟؟
انا مأفتكرش العيد دة من وقت ما فكيت الضفاير
كنت اول حاجة باعملها فى العيد انقى لون شرايط الضفاير بتاعتى
دلوقتى؟؟؟
مش فاكرة
ايه يا عمنا اللون الحزايني ده؟
هو الصنف طلع مضروب و الا ايه؟
نصيحه بلاش الأفغاني و خليك في المحلي
لأ و شهروزة ماصدقت ..ما هي استاذه في النكد هي كمان ..حتى البنت اوسه الروشة عقدتوها و خليتوها ضربت
يا عمنا ما تشيلش هم و خليها على الله
و كل سنة وانت و العيلة الكريمة بخير
العيد فرحه
مااااء
هههههههههه
سؤالك صعب عليا جدا
تعرف انا اكثر واحد يخليك تتشائم ويجيلك احباط من النوع اللي بيجي من تحت الباط
اول يوم العيد قعدت في البيت .. بليل روحت فرح بتاع واحد صاحبي
طبعا عمال زي الغريب
تاني يوم العائلة خرجت ورفضت اني اعمل نفاق كل سنه واللي اسمه زيارة الاقارب
واخذت الناقة لوحدي هه لوحديييي
وشرخت علي وسط البلد
تخيل بقي .. ماشي في وسط البلد لوحدي اتفرج ع البنات اللي بتتباس ادامي
هههههههه
وانا لوحدي
لا وايه الانقح كمان
اني اقابل زمايل ليا صدفة في وسط البلد اسلم عليهم واودعهم
وارجع بيتنا برده لوحدي
لوحديييي
سلاااااااااام
انت لونك حزين كده ليه يا ستامونى
ايه يامزاج هى ناقصه سواد
وبعدين انت فين بقالك فطره غطسان
eh kol daaaaaaaaaaah?
leh elswad dah bas mesh kida bgad..ayan kan elle fel donia may7'leksh tob2a sowdawe elnaz3a kida..howa eh bytawel 3omr elwa7ed 3'er elfar7a?so enno askon byot elfar7 ah mmken..la la ya mzago mesh kida..take it easy mn fadlak..balash el2l2 dah :(
حلو البوست
بس ليه كله بيكتب شعر...وذقن
مزاجو الى فقد مزاجه
عارفة ذكرى العيد عندك ليه مش سعيدة بس عارف مش هقولك غير
مش انت اللى تأمن لولادك اى حاجة ولا انت اللى بترزق انت بتسعى وتعمل اللى عليك
هقولك بقى ليه العيد يبقى سعيد
لما تصحى من نومك وولادك فى حضنك وبيقولوا ليك كل سنة وانت طيب يبقى ده يوم سعيد
لما كل اللى بيحبوك يقولوا ليك كل سنة وانت طيب يبقى يوم سعيد
لما تفتح عينك وانت فى بيتك مش عندك ازمة فى المستشفى يبقى يوم سعيد
شوف الايام السعيدة وحسها لانك كتير شوفت عكسها واكيد لازم تقدرها
حتى لو قلبك موجوع وعنيك ملاينة دموع اغسل بدموعك قلبك وهيرجع تانى جميل
تحياتى
عمو مزاجوو
وحشتنى قوى.ز ووحشتنى طلتك عليا وهزارك
كل سنه وانت طيب
لأ
كل لحظه وانت طيب
أوعى تزعل نفسك أو تخلى حد يزعلك
مافيش حاجه تستاهل ان الواحد يزعل نفسه عشانها
والعيد ده بقى مناسبه من المناسبات اللى الواحد بيعرف ياكل فيها حاجات مش موجوده فى بقية الأيام التانيه
ولو بصيت على كل أعياد المصريين هاتعرف قصدى
سلامى للجميع
قلبي بيقولي ان الاتنين اللي منغصين عليك حياتك دول هما انا و تمر حنة
هههههههههه
يا عم روق و سيب امرك لله و ربنا يبارك في اولادك و يرزقك برزقهم و يعوض عليك
و حسنة قليلة تمنع بلاوي كتيرة
و حلو يا حلو
و كل شم النسيم و انت مزاجنجي
تاكل رنجة؟
الاخ مزاجــــوووو
ليه السواد ده متعودناش على كده
لاتحزن ولاتفكر ماذا ادخرت لاولادك
لان لهم رزق سوف ياخذوه انت لاتعلمه
اعرف رجل فقير توفى ولم يترك شئى وله سبعة من الابناء قال الناس ان هؤلاء
سوف يضعون ولكن رزقهم فى السماء اكبر واحد فيهم كان فى الثانوية ترك الدراسة وهو الوحيد الذى فشل هل تعلم ماذا اصبح اصبح رجل اعمال عنده مصنع اثاث يقوم بالتصدير الى اوربا
اما باقى اخواته اصبحوا دكاترة ومهندسين ومنهم استاذ فى الجامعة
اذا انسى ياخى هذه الافكار وتبسم والعيد ياسيدى فرخة على رآى ابلة اوسه
اخوك الصغنن احمد مدون جديد
www.ahmedsobhy.blogspot.com
فين المزاج يا عم الحج
بس أقولك جامده أنا مكونتش عارف ان الدنيا بالسواد ده
هيه جت عليك
حرمتيني ابكيلك براحتي
قلقتي نومي وقليتي راحتى
جامد الكوبليه ده
يتلحن يعنى :D
ناقص بس كلمة واحده
يابعيييده :D
العيد يعنى بيتى فوور
لو عندك بيتى فور يبقى العيد جه
عندو؟
:( yaaaaaaah
awalan kol sana wenta tayeb (m3lish gat met2a7'ar!)
w saneyan...mesh enta bass eli mesh 7ases b 3eed
bas try to cheer up
معلش انا اسف للجميع واول واخر مرة ها كتب تعليق مشترك لاني فعلا خارج المود تماما بس والله للاسف اكتشفت خداع كبير ومن ناس كتير وحالة الاكتئاب يا دوب بتتفك النهارده واهو احنا بقينا بعد العيد لكن برضة الفرحة والضحكة مخصماني سامحوني
ana bardo ektahft nas khayna
shoft el bet rasha alabetny 3alshan gerges
كل سنة و حضرتك طيب
و حضرتك وسط الناس اللي بتحبك و تفرج عنك
فين يا باشا تعليقاتك الجامدة اللي تملا المدونات ضحكات
انا خبيت شوية كحك و بسكوت و بيتيفور من كلبوزة و اووسة و شهرووزة عشانك ..يلا تعالي دوق و قولي بقي
:))
ياه يامزجنجي
ده الموضوع كبير قوي
ربنا معاك و ينورلك بصرك و بصيرتك
العيد و السعاده دول حجات بيعمله الانسان عشان يفرح
و انا اتعلمت ازاي افرح و من سعتها و انا مبستناش العيد ولا بستنا حد يفرحني
اعمل فرحتك بنفسك و خليك مزجانجي
مفيش حاجه تستاهل و اللي حصل حصل و خلاص, متبكيش علي اللي فات و حاول تفكر ازاي تعيش اللي جي من حياتك
و تحياتشي و قبلاتشي
مزجانجى انته لسه زعلان الصنف المره ديه طلب معاك بزعل يا عم بطل الصنف واشرب سجاير بريئه لحسن كده هتزعلنا وتطير النفسين اللى احنا عاملينهم مع بعض
ولا اقولك
هبعتلك من عند
طارق اللى فى الحلميه حته ميتاكسا ولا بلاك
ولا حته نص واحده اسكندرانى ماركه سيبها وخدها يوم السبت او الاحد عشان انا ممكن اكون خارج يوم السبت عشان مزاجكك يتعدل يا صديقى
و
لالالالالا
انا اصلا العيد مجاش عندي
والعيال العبط قالولي بعدها ان كان فيه عيد
والحلو بقى قال بيقولك يوم السبت عيد الحب
ابقى خد الرقم من وئام وعبرنا
يا عم مزجانجي يا صاحب الابتسام
دي علي وزن اغنية لعدوية
المهم اين انت يا رجل
مالك متعفرت ليه؟
صلي عالنبي و روق
تحياتي
والله يا عمنا العيد ما هو الا مصطلح نتداوله بيننا انما الواقع فلن يكون لنا اعيد الا بعد التغلب علي كل شي فاسد
عجابني اوي البيت ده
الوش مرسومة عليه ضحكة والقلب فيه نار
وبعدين انت طولت الغيبه ليه انا كده هزعل
طلعت من مود الزعل و لا لسة؟
اطلع بسرعة علشان تلحق لك دستتين لبسة قبل نفاذ الكمية
كلام جميل ..الوش فيه ضحكة والقلب فيه نار ....كل سنو وأنت طيب يا باشا ....أشكرك جدا على زيارتك لمدونتى ...يا ريت نتواصل ان شاء الله ..وشكرا
عادل
اية يا عم الرهبنة دى كلها؟؟
مش مستاهلة كل دة
الدنيا دى فردة شوز قديمة
دنيا من الدنو
يعنى واطية
واحنا اعلى منها يا طيب
وحشتنا طلتك فى كل حتة
كنت بتضحك أينعم من ورا قلبك
لكن كنا بنقع من الضحك على كلامك وبيفرح قلبنا
منتظرينك وبلاش تتقل علينا كدة
تحياتى يا طيب
إرسال تعليق