دعوه عامة من الاخ شربيني مطرب فريق نغم مصري لحضور حفل الفرقة ضمن فاعليات مهرجان
SOS.. بقاعة المؤتمرات بمدينة نصر وسيكون المهرجان يوم مفتوح ونتمنى الحضور وعلى فكرة فريق نغم مصري ده ما لوش حل ولا الشربيني ورفاقه لهم حل نصيحة روحوا شوفوهم وشجعوهم
يوم 24/11/2006
اوعوا تنسوا .... مستنيكم
هناك ٣٦ تعليقًا:
طب حلو ده
كويس
بس لسة بدري علي شهر 11 ده
و ساعتها ح انسي هههههه
عمــــو
ممكن تعمل حسابى فى أربع كراسى جمب بعض
أصلى بحب أمــدد وأنا بسمع أو أحضر حفلات أو مسرح أو سينما
وياريت الكراسى بــحرى وبتطل على النيل الأزرق فرع الخرطوم مدينة السودان
ممكن أجيب معايا شهروزززز
و هى تبات معايه
وممكن اجيب تمر حنه كمان
أصلها ساكنه قريب منى
وبالمره أسافر أجيب أختشى كلبوزه من السعوديه كفايه غربه بقا
و انت عليك السندوشتات المربى اللى بتعملها فى الرحلات وطشط ميه عشان نشرب
والشاى ياريت فــتله عشان بقرف
وياريت لو جاكت صوف عشان البرد
بس أنتوا رايحين فين
هو ده فرح مين قول متخبيش
اية ده نروح وانت مش جي
بقالي كتير عمالة ادهل الاقي حفلات حفلات
فين كلامك فين
إبي الجميلة ولا يهمك انا بس قلت اقولكم قيل ما انسى لكن اكيد هافكركم لو انا موجود في مصر انما لوسافرت يبقى ذنبكم على جنبكم ههههههههههههه
Aoossa
مش عارف انا باقول ننقل الحفلة للسرير بتاعك اريح وان كان على شهاريزو وتمورة فانا هادبح لهم دبيحة واطلعي انت منها بس بلا شنكوشتات بلا هم وبعدين شاي ايه ابو فتلة انت عاوزة شاي بدوبارة وجاكيت وشحاته عيني عينك في ايه هو انت بتسوقي الدعم علينا يا ماما معونة الشتا البلوج اللي ورانا على طول
وبعدين ده فرح عديلة هد هد بلا نيلة هههههههههههههه عقبال عندكم يا حبايب
LAMIA MAHMOUD
بتهرجي انت صح ؟
طيب انا مش بكتب انت ما بتكتبيش ليه وبعدين مش قلت لك تعدي من عند كافتيريا نعمه وتندهي على زعلان منك كنت ناوي اعزمك على السحور يا بخيلة ههههههههه
r4rr2000@yahoo.com
مزاجنجى
ابعث لى ايميل عاوز اديك كلام تلحنه
www.al-mohager.blogspto.com
سلام يا مزاجنجي باشا
بموت في تعليقاتك
بتفطسني من الضحك
احب اشوفك كل شوية عندي في البلوج
سلام و تحياتي
اناا جيييييييت على سيرة الدبيحة
اصلى طفسة وباموت فى الفتة واللحمة
احجزلى فخد ضاانى بحالوو
احسن واللة اعيط وافضحكوا وسط الناس
R R
مش عارف مين قالك الاوشاعه دي لكن ابشرك انا باسمع حلو جدا ههههه ابعت بس وما لكش دعوة
Hafsa
سلامتك يا قمر من الموت ومن الفطسة وعموما انا عندك كل شوية لغاية لما ترجعي بلسلامة انبي ما تنسيش تجيبي لنا معاكي شرابين صوف وقبعه حلوة قبعه دي صح تحياتي حفوص
شهاريزو فخدة ضاني ايه انت بتهرجي انت ياباشا تستهلي الدبح .....
من اول وجديد وعموما انا شايلك المخ وقاطع لك اللسان ومفضيلك العين بس انت تعالي ومالكيش دعوة هاتخرجي من التدوين ع التأهيل المهني عدل
اعدي فين عند نعمة وانده
عبيطة انا بقى ما ينفعش عايز تعزمني ما يبقاش على السحور يبقى على الفطار عشان اعرف اجي
وتديني العنوان بالظبط وانا اجيب كيلو بونبوني من اللي بيلزق كل حاجة ده حتى سنانك واجي
وانا بكتب وانت اللي مبتجيش
مزاجو سيد الامزجة
فينك يا راجل مش بشوفك ليه
انا عاوزة اشوفك سواء كنت في الداخل او الخارج
تحياتي
أيوه كده ياعمو
قول على المواعيد قبل الهنا بسنه عشان أعرف أضطب حالبى وأعرف راسى من رجلى
يارب بس مايكونش عندى امتحانات يوميها
ويارب أشوفكوا كلكوا يا ولاد
انت من الذين يأمرون الناس بالبر بس دى هتبقى جلسة ذكر ولا قيام ليل
شكرا لدعوتك العامه الجميله والواضح فعلا انك بتحب كل الناس
عموووو عادل
ازيك يا راجل انا والله كنت جا ى الحفله اللى فا تت
بس جا لى حمى جا مده
فيه افطا ر يوم الخميس القادم 288ش السودان سوق الاسر ه فيه مدونين كتير حيبقه هنا ك ممكن لو ر حت ارو ح
ادينى
اوكى
ما شى يا عمووووووووووو
تحيا تى
مزاجنجي هو شهر 11 ده صيف ولاشتا علشان اعرف بس
انت عافر مدينة نصر برد في الصيف
بس غالبا هاجي لو مكنش ورايا عندي غسيل
LAMIA MAHMOUD
انا دخلت عندك ورستك ع الموضوع واسئلي وئام تحياتي
حفوصة انا تحت امرك وامر اي حد من الاخوة المدونين وربنا يخليلك سنجابينك الممتعين بندق ولوز وانا لسه كنت عندك امبارح بامارة المشنكح
وينكى
منين عمو ومنين اشوفكوا يا ولاد عموما يا تيته انا ممكن اكون موجود لو ربنا اراد وحتى لو عندك انتحان مش امتحان دي كده غلط منكن تيجي لانه مهرجان ويوم مفتوح ع البحري يوه من اول النهار اقصد
مستنينك واكيد يوم الانتحان ماما بتتوصى بيك فالمصروف وشنكوشتات المربة تعالي واحنا ناكلهم معاكي واهو يبقى عيش وملح ومربة ونحبس بشاي على حساب الاريفجي محمد الجميل
أروى الطويل
ار اورة انت جاية تتريقي عليه مش هارد عليكي ليكي عربي يترد عليه
بالعند فيكي ها نصلي بين الفقرات علشان ده يوم مفتوح و معمول للفقراء ومساعدتهم ومناهضة الفقر وكمان ها يبقى فيه ندوات وحاجات مفيدة ان شاءالله واياك اشوفك هناك
ههههههههههههه
واحد من الناس
انت اللي جميل وراجل اصيل
ولو ما جتش
هاخليك تغسل الغسيل
ايه رايك شاعرصح ؟
ههههههههههه ومتشكر جدا يا باشا على الاطراء ويارب اكون عند حسن ظنكم بي نورتني
القادم من الريف
انت عارف انا معاك في اي مصيبة دوس بس انت ونوري نور ان شاالله فوشية وراك يا بتاع الارياف ياللي بلدكم مش فاكر كانت قالت عليها ايه مهملة ؟؟؟ فكرني يا واد يلعن ابو الزهايمر انا معاك في فطار يوم التلات الجاي ولا يهمك مش العلوان برضه في نمرة خماشر شارع غزة ؟ وهايكون الساعه التاسعة عصراً موجود من قبلك ان شاء الله ابقى بقى عدي على اختك ار اورة وهاتها معاك تاكلها لقمة ترم بيها بدنها
كراكيب
لا والنبي انت بجد بتعرفي تغسلي طيب انت بقى كده نتعامل معاكي على اساس انك اوتوماتيكي ولا عادى وغالبا شهر 11 بيكون في الربيع بعد شهر ابريل على طول ههههههههههههههه
مزاجنجيييييييييي
ايه ده؟؟
صورك منوره في المجلس الثقافي البريطاني في الحفله الي كانت يوم الجمعه صحبتي شفتهم علشان بتشتغل هناك
اي خدمه
أم العيال
منورة يا ست الكل وعاوزين نخدم بس اظن انت اترسمتى بقى على صاحبتك وقلت لها انك تعرفيني ما هو دايما كده معجبيني بيعملوا الحركات دي هههههههههههه والله انا فعلا اتعمل معاية كمان انتريفيو تبع المركز ياريت لو اعرف اخد كوبي من الصور او الانتريفيو يبقى خدمتيني وتترد لك في فرح العيال
وللاسف دي كانت اخر حفلة بتاعه نغم مصري لو كنتي هناك كنتي شفتي الناس قد ايه ما شاء الله محبينهم كتير واكيد انت كمان ومنتظر منك تعملي لي مفاجأة ان شا الله حتى تخلي صديقتك ترسلهم لي ايميل وتسلمي لي يا قمر
ياريت كان بالإمكان السفر من أعماق قلب مصر
والحضور للأستمتاع بهم وتشجيعهم
للجميع التوفيق
فعلا يا مزاجنجي انت مش واخد بالك انك بقالك كتير مابتكتبش ومقضيها دعوات لحفلات
انت طبال ولا ايه؟:)
وكمان مش واخد بالك انك مش بتعدي عليا
انت زعلان مني ولا ايه؟
مزاجنجي والله انك بتعدلي مزاجي من غير ايتها مواد اخرى
مش عارفة لو جمعناك علي بطابيط ممكن يحصلي ايه؟؟
مش حفطس و لا اموت لكن حتكحرت
تحياتي
أبو أمل
احلى 36 طلقة من رشاش بور سعيد 7.62×39 روسي الصنع للبِلد الصعيدي الجدع جوي اللي واحشني موت
والله يا ابو امل انا عارف ان انا مقصر معاك بس انت الكبير ومقامك على الراس ولو ليك مزاج يا بوخالو ننقل الحفلات حداكم فالصعيد انت تأمر بس
3rby
انت عارف ان انا واخد بالي ومش عاوز اكتب نفسي مسدودة ومتضايق
وفعلا مين اللي قالك ان انا طبال ومدام قالك كده يبقى قالك ان انت تكلمنى علشان بادور على رقاصة هههههههههه انت اللي جبته لنفسك
وبعدين يا عم ربنا ما يجيب زعل وازعل منك ليه اللي يزعل ... يزعل من بني ادم ؟؟؟
الحاجه أم جــورج
خالتي الحاجة كل سنة وانت طيبة واللمة دي
مخصوص علشان عارفين انك راجعه تاني
(والنبي ما انا عارف انت راجعه منين شكلك كنتي في حبسة ..... كفارة)
وبعدين وحشتك منين ؟؟؟
شكلك عاوزة توقعيني مع ابو جورج ...ألا هو عامل ايه ؟
ثم اننا كلنا عارفين انت سيبتي التدوين ليه ؟
(الله يهدك انت جيتي لي منين اصلاً)
أما بقى بخصوص موضوع مكسوفة
والله ما انا عارف لها لكن عاوز اقولك على سر (هاتي ودنك اللي زي مضرب التنس دي) انت عارفة انا بطلت اعلق عندها خالص
لاني في مرة وكانت تاني او تالت مرة ادخل اعلق عندها قلت اهرج معاها
وعينك ما تشوف الا الضلمة مسكتني مسحت بي البلوج
وقالت لي كللام لقيت اني من الاسلم لا ادخل عندها ولا اعلق لكن باروح اقرا غصب عني وربنا يهدينا جميعا ومش عارف ايه السبب للان
لالالالالالالالا يا خالتي الحاجة (ربنا يهدك ) الواد عربي ده واد زي العسل وانا بارسم عليه علشان اجوزه بنتي بالك انت لو فيه كام مليون عيل زي ده كانت مصر خدت اعلى المراكز في جميع المجالات الواد ده والله عبقري وبكرة تشوفي (إن عشتي لبكرة ) هو لسانه طويل حبتين بس انت عارف ان الاسد لما يعجز تنطط القرود على كتافه وانا عجزت (ربنا ينتقم لي منك انت مين اصلاً)
كنت فاكرك ها تمعري زي عادتك وتقولي لي جورج رايح عمرة عموما يرجع بالسلامة (داهية لا ترجعه لا هو ولا امه )
تتسحري ايه ما انت طول عمرك بتفطري ولا ايه الحكاية ؟؟؟
ممكن سؤال من غير زعل (ولا تولعي بجاز) انت مين ؟؟؟؟ سؤال بريء
ملحوظة: الكلام اللي بين قوسين كله باقوله في سري فممكن ما تقريهوش لانه المفروض ان ده حديث النفس للنفس وانت عارفة النفس امارة بالسوء
حفوصة الجميلة ربنا يارب يعدلك مزاجك على طول الخط وعرضه
لو جمعتيني على بطابيط هانطلع لك بطبوطة مزاجنجية ومزاجنجي مبطبط
وتفطسي ليه احنا منكن نخنقك
وتحت امرك يا اوكر
يشرفني ان اتقدم بخالص التهاني وأطيب التمنيات القلبية بمناسبة عيد الفطر المبارك اعادة الله علينا وعليكم وعلى مصرنا الحبيبة بكل خير .. مع خالص تحياتي وكل عام وانتم والأسرة الكريمة في أسعد حال
إرسال تعليق