الجمعة 6 أكتوبر
موسيقى و غناء شعبي من الدلتا و الصعيد لفرقة النيل للآلات الشعبية بقيادة الفنان عبد الرحمن الشافعي.
السبت 7 أكتوبر
الفنانة الفلسطينية عبير صنصور وفرقتها، أغاني شعبية و حديثة من فلسطين ومصر.
الأحد 8 أكتوبر
الفنانة فيروز كراوية و فرقتها. أغاني عن الحب و الحياة. من أشعار كوثر مصطفى وأحمد حداد.
الثلاثاء 10 أكتوبر
فرقة فلامنكا . موسيقى حديثة تستلهم موسيقى الفلامنكو الأسبانية والموسيقى الشرقية.
الأربعاء 11 أكتوبر
فرقة اسكندريللا. حازم شاهين و رفاقه يقدمون أغاني من التراث المصري والعربي بتوزيعات جديدة.
الخميس 12 أكتوبر
الحفل الأول ل فرقة سما. الأغاني من أشعار طاهر البرنبالي، وألحان حسني عامر.
الجمعة 13 أكتوبر
فرقة الدور الأول. إطلاق الألبوم الجديد للفرقة "قرار إزالة" . مؤلفات موسيقية أصلية للفرقة تمزج الموسيقى الشرقية مع موسيقى الجاز.
السبت 14 أكتوبر
فتحي سلامة وفرقة شرقيات . إطلاق ألبوم "سلطان" و هو أول ألبوم في مصر لهذه الفرقة المعروفة على المستوى الدولي. يقدم فتحي سلامة مؤلفات و ارتجالات تتميز بالنضج و العمق في المزج بين أساليب موسيقية متعددة منها الجاز و الموسيقى الشعبية المصرية و الموسيقى الشرقية التقليدية.
الأحد 15 أكتوبر
فرقة صابون (لبنان). الموسيقي اللبناني الشاب زيد حمدان في فرقته الجديدة مع المغنية الجزائرية كريمة نايت. غناء ، موسيقى الكترونية ، راب..... الحفل الأول للفرقة في مصر.
الثلاثاء 17 أكتوبر
حفل للفنان رياض عبد الجواد والتخت. إطلاق الألبوم الأول للعازف و المؤلف الموسيقي رياض عبد الجواد .مقطوعات موسيقية شرقية للكمان و التخت يقدمها مجموعة من أبرز الموسيقيين المصريين.
الأربعاء 18 أكتوبر
فرقة "مزيكا بس" إطلاق الألبوم الأول لهذه الفرقة الجديدة التي تقدم مؤلفات جديدة و تضم بعض أبرز الموسيقيين المصريين الشبان مثل حازم شاهين (عود) و نوار... (بيانو) و هاني بدير (ايقاع) و غيرهم.
الخميس 19 أكتوبر
"البنت المصرية" حفل للفرقة الأسبانية "ميوزيكا أنتيجوا" بالتعاون مع السفارة الأسبانية بالقاهرة. تقدم الفرقة موسيقى و أغاني شرقية و أندلسية.
الجمعة 20 أكتوبر
حفل للأطفال: مرح مع الفنانة الشابة يافا جويلي و سيرك الأصدقاء
جميع العروض مجانية وتبدأ في تمام الساعة التاسعة مساء
مسرح الجنينة – حديقة الأزهر – طريق صلاح سالم – الدراسة - القاهرة
لمزيد من المعلومات أو لإجراء اللقاءات الصحفية اتصل ب: 3625057
اختاروا وقولوا لي وانا معاكم وشغال اللي عاوز يعزم حد معاه الحفلات مجاناً انا عن نفسي هاجيب معايه المزة بتاعتي ( نعومة )والي عاوز يتقابل قبل الحفلة ونفطر في أي مكان ونطلع بعد كده على الحفلة برضه شغال لاني هاحتفل بعيد ميلاد المزة بتاعتي وانتم طبعا معزومين كلكم ولما هاتشوفوها هاتموتوا فيها اكتر مني
هناك ٤٧ تعليقًا:
ياسيدي كل سنة وهي طيبة انا لسة جاية من حديقة الأزهر من كام يوم كان عيد جوازي بس دفعنا مبلغ وقدره في المطعم بس الجنينة هايلة ونضيفة أوي ماشاء الله
أم احمد كل سنة وانت احلى زوجة ومعاكي احلى زوج مثقف وعلى فكرة المزة بتاعتي دي بنتي اللي بقت هي الكبيرة عندي دلوقتي على الرغم من انه كان ترتيبها الثالث في اولادي بس بنت ايه عجب والله بجد ليها مستقبل وشخصيتها جامدة اوي ويا ستي يعني هاندفع لنا كام مش حسبة عشين ولا خمسه وعشين جنيه فدا الشوز بتاعها هههههههههه ربنا يخليلك
انا مستعد لحضو ر اى حفله يكون قيها اكبر عدد من البلو جراويه فى اى معاد حدد الحفله والتا ريخ يا مز اجوووووو
يا مز اجوووووو سير سير واحنا وراك ع المواسير
تحياتى
القادم من الريف
اشطة عليك ياد انت شكلك فدائي يللا ايه رايكم في الجمعه 6/10/2006
كلمني على
0107998322
0124640885
عادل بك خميس وكمان اي حد عاوز يتصل لا يتردد ودول محاميلي ههههههههههههههههههه
انا موافق حتصل بيك بعد التر اويح
افطا را شهيا تقبل اللهمنا ومنكم
عزيزي المزاجنجي
قلتُ لك "عزيزي" لأنك مُسبقا "تحب كل الناس" وأنا منهم إن شاء الله.. ما شدني في هذه المدونة التي أزورها للمرة الأولى، هو أنها تعكس بصدق روح صاحبها الذي يبدو من خلال الصورة أنه مستمع كريم وبالتالي فهو منفتح على هموم من حوله وقلبه أكبر من الشرق الأوسط..
على فكرة "ما تيجي تزورني" وسأكون سعيدا باستقبالك..
تحياتي
جُحَا.كُمْْ
و الله سيادتك ممكن تشيل الصورة اللي انت حاططتها و يبقي عدلت مزاجنا فعلا :( ليه بقي هندم علي الكريدت
؟؟؟
little sesame
لدرجة دي صورتي وحشة عموما هي كلها خلقة ربنا
اما بقى بالنسبة للكريدت كارد فانا اتعاملت بيه لقيته بيخدعني ويخليني اصرف بثقة مبالغ فيها وفالاخر يجي لي الاستيتمنت بتاع اول الشهر واتصدم وكمان الفوايد العالية خلتني ما صدقت دبرت مبلغ وقفلت الفيزا بتاعتي وعموما جربي انت حرة قد اعذر من انذر وشكرا على الزيارة ولو اني زعلان من ان الصورة الفنانة دي ما عجبتكيش هههههههههههه معاكي 8 جنيه اروح اتصور 6 صور وكارت يمكن اكون اتعدلت في رمضان ؟
جُحَا.كُمْْ
شكرا يا عزيزي على الزيارة الكريمة وللاسف دخلت عندك لقيت ان انا محتاج لك وقت لوحدك علشان اعرف استمتع بالجو العالي قوي اللي انت عامله بس بجد انت فرحتني بزيارتك وشكرا للاطراء الذي ان دل على شيء دل على شخصية جديرة بالاحترام بعد الدش اللذيذ اللي قبل منك في التعليق وشكرا للجميع رمضاااااااااان كريم
تصدق بالله
انا كنت لسه داخل علشان اقولك عالحفلات
وكمان فيه كل يوم برنامج في بيت الهراوي ورا الازهر
ايه رايكوا يوم الجمعة الساعة 4 قصاد جروبي
ده لو كنا عدد يعني
نروح نحتل مطعم
والله شكلها هاتصفصف علي اربعة
مزااااااجوو
هى الاخت ليتل جاية هنا تدور على عريس ولا اية يعدل مزاجها؟؟
الراجل يا اؤختشى حر يحط انشاللة حتى يحط صورة الانسة حنفى
الراجل مية فل واربعتاشر اهوو
اوعى تكون بتدور على برايد يا مزاجوو؟؟
يا روقانك يا مزاجوو
نفطر و نروح فين يا راجل؟
دا الواحد مبيصدق يفطر و يتلقح على أى أريكة فى الحديكة - انى واى لو الحفلة فيها سراير بدورين و كراسى عجل أنا معاكو يا ريس - بس انت قول و احنا معاك
و سلملى عالمزه و قولها خالتك تمر حنه بتسلم عليكى و بتقولك ربنا يحميكى و يحسن أيامك
شهاريزو
سالخير يا حبيبشي شفتي الاخت ليتل بتخبط في خلقتي ازاي مع ان انا وشي فوتجونيك خالص ههههههه عرفتي بقى يا ليتيل يا اختشي ان احنا ورانا حريم تدافع عننا وكله محبة في رسول الله وكل عام وانتم بخير ومردودة لك يا حبيبشي في سي حنفى بتاعك ااعدي بالعافية بقى اقوم اسحر البشر اللي عندي
تمر مر هانم يسعد لي هالمسا كيفك البنت نعومة بتسلم عليكي وبتقولك ميغسي يا طنط ولازم تيجي تقطعي معاها تورتة عيد ميدانها وتجيبي هدية محترمة معاكي ولا انت طنط بالاونطة وهي محضرة لك سرير بدورين وبيطل على الشارع كمان مش على مناور ومنه للحديكةو يا خالتو ما تجيبيش معاكي الواد حرنكش ابنك علشان بيشد لي شعري اه يا شعري
كلنا فداك يا مزاجو
أنت بس تشاور على اي حته علشان أحذفها من أجندتي
ايه الحلاوة دي ناقص تودينا ساقية الصاوي
عشرين ايه احنا دفعنا ميتين وعشرين جنيه في افطار اوبن بوفيه لفردين فقط والاكل عادي يعني مافيهوش حاجة ذيادة
يجعله عامر
ROMIL
عنداً فيك انا هالف وسط البلد كلها ومش هاسيب حتة الا رايحها يللا احذف القاهرة كلها من اجندتك اتفقنا ههههههههههه يا حصور ؟
ام احمد انت بتتكلمي جد ؟؟؟؟ هو انت افتكرتي ان انا ممكن اروح الاماكن دي واكل فيها ههههههههههه يا ماما ربنا يخللي لنا موائد الرحمن
الله عالتنفيض
هاتقولي ماشفتكش
دانا كاتب تعليقين ولازقين في اخر تعليق انت كتبته
نردهالك في التعليقات
3rby
والله الادان بيادن دلوقت بس انا مش حالق لك ولا اجرؤ بس انا منتظرك انك تتصل وسيبك بقى من حركات البلوجرز انت راجل هاتبقى نسيبي ههههههههه
أنا فعلا حذفت القاهرة من أجندتي
لحين اشعار اخر أنت مش عارف أن أنا منوفي ولا ايه؟
ROMIL
يا اخي انت فعلا عين قوية ومش مكسوف وانت بتقول منوفي روح ربنا....... ولا بلاش يولع في اللي في بالي بس
مزاجو
هو انا فى كل بوست هاجى اقولك انا معاك واحجزلى الكرسى اللى جنبك
بعدين يقولو عليه ايه دلوقتى
فكرة جميلة بتاعة عرض البرامج
ماشى انا معاك بقى
تحياتى
مزاجو
نسيت اقولك كل سنة ونعومة طيبة وعقبال ميت سنة
تحياتى
karmen لولولولولللللي
حمد الله على السلامة يا اختشي انبي انت نورتي عندي وكان نفسي من زمان الطلة الحلوة دي مرحبا بك يا قمر انبي عندك تليفوناتي وايميلي وحياة ابوك لو اتحصلتي لنا على جثة طرية من اللي بالي بالك ابقى كلميني او ابعتي لي وشكرا يا قمر على ردك على ليتل بس يا جماعه انا شايف ان البنت معذورة
tota
عُلم يا ست البنات مستنينك انا والمزة
انا ما زلت اشعر بالخزى من جراء هذا الموضوع المذكور بالبوست الماضى و لك و اقول لك لن يتحرك احد
و ربنا يسهل
ارجو زيارتك
كل سنة و نعومة الحلوة طيبة و بصحة و سلامة و عقبال ماتشوفها فى بيت جوزها يارب و عيالها بيتنططوا حواليك
رمضان كريم
أوعى تنسي تسلم على نعومة و تقولها بنات خالتو رانية منار و إيمان بيسلموا عليكى كتييييييييييييييير
و كان نفسنا نبقى معاكم بس احنا كمان حنتفل بمنورة إن شاء الله تتم خمس سنين يوم السبت
7'alas eshta..ana ha7awel azabt bta3et fat7e salama w fairoz karawya..w nshof b2a..
طب يا جماعة تعالوا نرتبها براحة كده
اوكي ميتنج ولا فطار
و بعدين حددوا يوم
و بعدين قرروا المكان
انما انتوا كده اتفقتوا علي الفكرة
بس
يا بشر محمد منير هايبقي في بيت الهراوي يوم الاتنين
ههههههههههه
بنت يا كارمن
امووت فى شياطينك
اللة ينور عليكى يا اؤختشى
امووت انا فى النسوان المفترية
متخافش يا مزاجوو وراك رجالة اهوو
islamventura
ومبن سمعك بس خلاص الواحد حاسس انه اتبلد من كتر الاهانات ولو انيباغضب كتير لكن اللهم لا حول ولا قوة الا بك
رانية
ياستي الف شكر وربنا يدينا ويديكي طولة العمر والصحة وعقبال ما تشوفي انت منورة وايمان اجمل كمان وكمان تحياتي وتحيات نعومه
الأخ العزيز مزاجنجي
كل سنة والحبوبة طيبة وبخير يارب ويارب تفرح بيها دايما يارب ـ تهانئي القلبية لها بمناسبة عيدميلادها ..ودعواتي ليها بالتوفيق والسلامة يارب آمين
we2am
وانا مزافق ومستني الكراوية
Mongey &3rby
انا معكم يوم الاتنين بس حد يتصل بي وبلاش اونطة ماشي وشوفوا عاوزينها ازاي فطار سحور سنكحه اللي تحبوه ؟
ا مصر اكتب إليكي رسائلي
ياسيدي شكرا وعقبال انجال انجالك يارب وانا لسه راجع من عندك وكلي غل وغيظ واسف من اللي حصل مع والد جرجس ومعلش ما ليش نفس اكتب اي كلام تاني اعذرني
قولها للبت نعومه ميغسى يا غوح تانت
بس الولا ابنى قمر و هى مش قده و باعتلها العصيده دى:
اتى يابت - عاملة ايه؟
الحب الحب الشوق الشوق
بلوبيف بلوبيف
ماشي
انا الاول قلتلك على الازهر بارك
ياريت انا نفسي اقابل اصدكائي المدونيين
و الله العظيم نفسي اشوفكم مش عارفة بحبكم قوي و بخاف عليكم زي عيالي و لما حد بيعقد مده ما بيكتبش بقلق عليه
و بفرح زي العيل الصغير لما حد بيبعتلي تعليق
مزاجوو ازيك وايه الاخبار؟؟يا رب كلو تمام سلامي للعيلة الكريمة
وحشتنا
تمر مر هانم البنت بتسلم عليكي كتير وبتقولك بولبيف ايه هو ابن حضرتك بقال ولامؤاخذه ؟ ههههههههههههه
يا ام العيال يا ام قلب دهب شكرا على شعورك الجميل ده ويعلم الله ان انا كمان بحبكم كلكم زي اخواتي واخواني انما اولادك دي كبيرة عليكي حبتين ولا ايه وعموما دعوة جديدة للجميع في حفلة في المركز الثقافي البريطاني يوم الجمعه الجاية وياريت تبقى حفلة عائلية يعني ممكن تجيبوا اولادكم معاكم وهو مكان فوق المحترم وربنا دايما يديم محبته وسلامه لنا وعلينا جميعا وتحياتي
روشا الجميلة شكرا على سؤالك وكله تمام وربنا يباركك لنا ووصل السلام وياريت تقري بوست الحفلة بتاع يوم الجمعه ونتقابل هناك
detailed endpoints ourselves adnectins gphf wavelength briefs distinguish subdomains aluvia crafted
lolikneri havaqatsu
إرسال تعليق