رحلة زي غيرها برضة

رحلة عبر الزمن

المشهد الاول : ليل خارجي ....

إشارة معطلة والناس مخنوقة ودرجة الرطوبة عالية واتنين داخل عربية بدون تكييف والعرق مالي وجوههم مع ان الدنيا ليل

حوار :

1- تصدق احنا ناس مفترية

2- ليه بقى ؟

1- ظالمين ابو جيمي علشان لما بيعدي بيوقف المرور

2- مش هو ده اللي بيحصل ولا لأ ؟

1- يابني الراجل ده وطني و بيعمل زي كل الزعماء والحكام السابقين

2- يا سلام وانت عارف كانوا بيعملوا ايه ازاي دا انت عمرك كله 25سنة بس يعني لا شفت ولاعرفت يا دوب تسمع بس

1- انا ممكن اديك مثل حي دلوقتي احنا فين ؟

2- واقفين في اشارة

1-عارف ليه

2- عادي يعني

1- لا يا فالح ده موكب ملكي معدي

2- هههههههههههه هو احنا عندنا ملوك

1- عرفت انك على نياتك صحيح؟

2- طيب فهمني

1- اصل الملك رمسيس معدي دلوقتي وهو منقول لمكان إقامة جديد

2 الله حتى ده كمان بيعطلنا

1- مش قلت لك الراجل بيمشي على خطى الاقدمين

2- آه فهمت منهم لله

1- اهو ده قدرنا يقرفونا وهم احياء ويقرفونا وهم واموات كمان

من وحي نقل تمثال رمسيس الثانى التي تتكلف حوالى 6 ملايين جنيه مصرى فقط لا غير يا بلاش