آه يا بلد .... آه يا بلد عاوزة الولد
آه يا بلد .... آه يا بلد عاوزة الولد
والولد ما جابتوش ولادة
هو ده عقم حصل ؟
ولا تعثر فالولادة ؟
لما الفؤاد مني إنجرح مالقيتلوش باب عيادة ...
فضلت ابكي لما الَبُِكى أصبح عندي عادة ...
وأسمعوني ياسادة ....
كلمتين مش زيادة ....
لما طلبت شربات الورد .. جابوا لي القهوة سادة
صرخت بعزم ما بي
لما لقيت الكلب ركب وبقت له السيادة
وفضلت اصرخ واقول
آه يا بلد .... آه يا بلد عاوزة الولد
والولد ما جابتوش ولادة
من وحي القبض على الحبيب سجين الحرية د / أمن نور
هناك ١١ تعليقًا:
غوان
انا كمام دي امنياتي وقولي يارب صباحك زي الفل ومسير النور يطلع بعض الضلمة
ممكن تراسليني على ynotadv@msn.com or yahoo or gmail
لاني لي طلب مُلح من المغرب وممكن انت تكوني همزة الوصل ولك جزيل الشكر
جرى ايه ياعم المزاجنجى - انت قلبتها تشات ولا ايه؟ ماعلينا الله يسهلوا
بقى انت ايه اللى فكرك بالمناضل أيمن نووور؟ و ايه كمية الرثاء الرهيبة دى؟ على فكرة عمرى مارتحتلوا و لا كان عندى أمل فيه - خف يا من زمااان لحسن صحتك مش قد رمية الأسفلت و ربى عيالك
تمورة هانم ربنا اعلم باللي في الضماير وانت عارفاني مش انا ولا اعتبر ده حقد وضغائن دفينة وبعدين انت بتتريقي على ايمن نور والله العظيم الراجل ده يكفيه انه حرك الماء الراكد في البلد وعلى فكرة انا مش ممكن انساه لانه صديق شخصي وانا كنت من المسئولين عن حملة الدعاية الانتخابية بتاعته وهو ونعم الرجل ونعم الاخ وانا مش خايف من الاسفلت لعلمك لكن ممكن اخاف من اللي ممكن يحصلي عليه (دماء على الاسفلت ) وعموما يا قمر انا متشكر على الزيارة بس مفيش حد يطمنى على كلابيظو وانا سبت لك امبارح كومينت لموضوع الجلاليب بتاعك ده شكلك ابتديتي تلمي تبرعات وتكون تحديدا جلاليب عموما بعد ما اخلص كل شوت هاجيب لك جلابيته ولك ارق تحياتي
تسلم لي يا غريب يا قريب وربنا ما يحرمنا من التفافكم حوالينا وربنا يقدرنا ونكون عند حسن ظنكم وانا فعلا فرق معايه قوي موقف كلابيظو لانها انسانة محبة لله فلله ويارب توصل بالسلامة واول ما هتروق شقتها هاتكلمنا بامر الله ويارب يتقبل منا ومنك خالص الدعاء ويفك أسر كل المأسورين سواء كان اخي وحبيبي ايمن ولا الشرقاوي ولا على الفيل ولا علاء و لا ولا القائمة طويلة لكنهم كلهم ابطال وسيظل التاريخ يذكرهم وسيكونوا دائما لعنه على اللي بالي بالك الحكام يعني بلا بالي بلا بالك ههههههههههه وربنا يخليك لنايا بوب
لولولولولولولولولولولولولولولولولولولولولولولولولولولولولولولولولولولولولوولولولولولولولولولولولولولولولوييييييييي
الف بركة قيامك بالسلامة و كل موته و انت طيب و عمر الشقي بقي و القوي عليه ربنا و انا زعلت قوي و فرحت قوي
اقصد زعلت بالخبر الكئيب ده و فرحت انه طلع اوشاعة
يخرب عقلك ليك غلاوة انا عارفة جت منيين؟؟؟!!!! معرفش
النت عندي هنا معصلج عايزله زقة عمار يا مصر
بس حبقي اجي اطمن عليك
تسلمي يا غالية ويسلم لي صوتك الحياني اللي محسسني ان الدنيا كلها بتزغرط معاكي وبعدين ايه الف بركة قيامي بالسلامة دي هو انا كنت بأولد ههههههههههه وعموما وانت طيبة والموتة الجاية هابقى اعزمك معايه هههههههههه ولا اقولك ربي العيليين احسن ربنا يخليكي ليهم ولا يحرمنا منك ويسترك ربنا ما يفضحك ويطعمك ما يحرمك ولا يخضنا عليكي يارب ولا نشرب نارك ولا اقومش عليكي مخضوض ابدا وفعلا والله عرفت انك كنت بتعيطي على ..... مردودة لك يا غالية يوم ما يموت اللي ما يتسمى شريكنا فالدكانة والغلاوة والمحبة من عند الله والحديث الشريف بيقول (الارواح جنودا مجندة من تعارف منها إئتلف ومن تنافر منها اختلف ) وتحياتي للافندي بتاعك وللعيال وربنا يجيبكم هنا تاني بالسلامة وصحيح يا ولاد ما يعرفش قيمة امه الا اللي يشوف مرات ابوه وسلمليلي على مرات ابوك كمان واقعدي بالعافية بقى علشان انا معلق على حلبة حصى وبتغلي بقالها ساعة
ههههههههههههههههههه
و الله انت ملكش حل
فكرتني بامي لما تدعيلي
البيه بتاعي بيسلم عليك و العيال بيبوسوا ايديك
و بعدين عايزين نعمل كلمة سر علشان نعرف اذا كنت انت و لا اللي يتضرب في معاميعه الهاكر
يعني مثلا كلمة السر تكون
البراشوت
بس كلام في سرك متقولش لحد:):):)
كلابيظو فكرتك بامك هو انت كنت فاقدة الذاكرة ولا ايه ؟ وبعدين كذا مرة قلت لك بلاش الكلام في الامور العائلية دي اي حد عاوز يشوف ماما دلوقتي يطلع جري على البروفايل بتاعي ينفع كده عموما طبعا احنا بيننا فرق جوهري وهو ان انا لابس نظارة ههههههههههه ..... والاستاذ بتاعك سلمي لي عليه وربنا ما يحرمكم منه ومن دخلته عليكم بالجرنان والبطيخة الشليان اما بخصوص العيال فسلمي لي عليهم وقولي لهم خالوا كان نفسه يبوسكم بس الجاز اللي فراسهم بيخنقني ولكم جميعا ارق تحياتي
براشوتش
عارف اكتر حاجة عجبانى اية؟ انى اخيرا لقيت مدون يقاربنى عمرا
الله حى والواد جاى.....بس الواد مش عالكيف.. دة الواد سح ادح امبو... نفس النسخة الناطق ابوة.......لسة بتحلم يا مزاجنجى دة انتة فاهمها ياصاحب الكيف
high_staff
قولي يارب وربنا ينتع دي بلد بالسلامة ونشوف لها ولاد وبنات وبعدين انت فرحانه ان فيه مدون من سنك ليه خير بتدوري على عريس للعيلتين انا كنت عندك وجبت معايه كمية احباط بالصلاة على النبي تكفي دولة ربنا يبارك لك
إرسال تعليق