حمد الله على سلامتي إنا رجعت بعد ما انضربت عين ودخل على واحد هكر واطي ودمــر لي الايميلات والجهـاز كله من الأخر لكن الحمد لله وقعت مع واحــد صــاحبي

هكر نجي محترم رجع لي معظم شغلي اللي على الجهاز والتاني اتهمني بالرغي واني حمار وسايب الجهاز مفتوح لكل من هب ودب واكتشفت اكتشاف جميل إن مش جهازي وبس إحنا تلاتة على شبكة واحدة العين صابتنا ولا صليتش على النبي فاتعورنا والحمد لله إن ده حصل ولسه المدونة في أولها ولسوء حظه إني عرفت ارجع كل الكتابات اللي في مدونتي القديمة من زماااااان لأني كنت بكتب على الوورد واسيفه وبعدين انقله هنا..... وللعلم توتا هي اللي عرفتني بالموضوع لأني فالأول افتكرت إن الويندوز وقع لكن اكتشفت إن ده بفعل فاعل وإن إنا مت والناس بتعزي في وشغلانة سوده وقالت لي الحق كلم كلابيظو لحسن البنية انفطرت من العياط عليك بس للأسف إنا ما اعرف لهاش لا تليفون ولا عنوان كنت شيعت لها أي عيل صغير يقولها إن أنا حي حي حي وعلى فكر أنا اخترت اسم المزاجنجي نزولا على رغبة صديقي الهكرنجي محمد متولي بعد ما قرأ بعض الموضوعات اللي أرسلتها أو الموضوعات اللي كانت معده للنشر فرحبوا بي في ثوبي الجديد ( المزاجنجي )

عادل بك خميس