يا حلاوة الدنيا ياحلاوة يا حلو لو ياحلاوة
وخلوها حلوة يا جدعان
خلوها حلوة يا بنات
حلو قوي الكلام ده بس ازاي بقى نخليها حلوة فكرة ضربت في نافوخي وبمعاونة الاخوات العزيزات الاخت كلابيظو النيظو كاونيظو والاخت توتا واللي هي دلوقتي عمالة تبلبط فالبحر وقافل لي تليفونها زي كتير من المسئولين في الدولة .... المهم البوست ده مش للسياسة ولا لوجع الدماغ انمالوجع البطن واحنا شعارنا هنا
(موت موتة ربنا احسن لك )
البوست ده يا حبايب هانشارك فيه كلنا وانا هاعمل له مدونة خاصة وكل ما هايجي لي رد هاحطه في مدونة
(طبيلة العيلة لليلة وكل ليلة )
وهنا هانفرد عضلتنا على بعض يعني اللي يعرف يعمل وصفة اكل بس بجد مش هزار تكون حاجة مجربة واهو داخل علينا شهر كريم نغير فيه من موائدنا لان رمضان بيحب التغيير لان طول الليل والنهار بنقضيها صلاة وتدين وبنبقى بصراحه بعد التراويح ميتين من الجوع ولا ايه ؟ فمن موقعي هذا اطلب منكم جميعا اللي عنده وصفة لشوية شوربة ولا اكلة ولا لحلو يبعتها واهو ننفع المستشفيات وياريت الاقي عندكم رد فعل مغذي وانا ان شاء الله هاوصف لكم وصفة كنت فاكر نفسي انا بس اللي اعرفها لكن كلابيظو كبستني وحرقة دمي وطلعت هي اللي استادة وعلى فكرة ممكن برضة أي حد نفسه في طريقة معينة يكتب ويسئل بلا خجل مش معنى انك مش عارفة وصفة انك مابتعرفيش تطبخي ابدا انما الاكل كل يوم فيه جديد يللا بقى وروني شطارتكم .... ومستنيكم على الطبلية .
